પૈપ્પલાદ-સંહિતા · અધ્યાય 8.20

સૂર્યો મા વર્ચસોક્ષતુ-
-ઉક્ષતામ્ અશ્વિનોભા ।
આદિત્ય ઊર્ધ્વ ઉચ્ચરન્
સ ઉ મા વર્ચસોક્ષતુ ॥

વર્ચસા માં પિતુર્ અગ્નિર્
વર્ચસા મા બૃહસ્પતિઃ ।
સુરાયાઃ સિચ્યમાનાયાઃ
કીલાલવર્ચસેન મા ।
તેન મામ્ અશ્વિનોભા
ઉક્ષતાં પુષ્કરસ્રજા ॥

વર્ચસ્વન્ મે મુખમ્ અસ્તુ
રોચમાનં વિષાસહિ ।
તન્ મા હિરણ્યવર્ચસં
કૃણોમિ પશ્યતાં પ્રિયમ્ ॥

મધોર્ અહં મધુતરો
મધુઘાન્ મધુમત્તરઃ ।
મામ્ અનુ પ્ર વિશતુ વર્ચ
ઋષભો વાશિતામ્ ઇવ ॥

ઇદમ્ આઞ્જનમ્ આનજે
વર્ચસ્યમ્ આ કનિક્રદમ્ ।
યથા કનિક્રદચ્ ચરાણિ
વર્ચસા ચ ભગેન ચ ॥

વર્ચસાગ્નિમ્ આ દધતિ
વર્ચસોદ્ એતિ સૂર્યઃ ।
યાવદ્ વર્ચો ગોહિરણ્યસ્ય
તાવન્ મે વર્ચો ભૂયાત્ ॥

યાવત્ ત્વં દેવ સૂર્ય
ઉદ્યન્ન્ અભિ વિપશ્યસિ ।
તાવન્ મા વર્ચસાભિ વિ પશ્ય ॥

પૂર્ણો ભગસ્યાહં ભૂત્વા-
-અરુક્ષં વર્ચસો રથમ્ ।
સ મા વહતુ સર્વદા-
-આયુષ્મન્તં સુવર્ચસમ્ ॥

ભગેનાહં પરિહિતો
વર્ચસા દ્રવિણેન ચ ।
યથા ચરાણિ સર્વદા
રોચમાનં વિભાવસુ ॥

એવા મા ભગ આગમદ્
એવા મા વર્ચ આગમત્ ।
એવા મા તેજ આગમદ્
એવા મા યશ આગમત્ ॥

હિરણ્યયેન ચક્રેણ
ભગસ્યાપિહિતો ગૃહઃ ।
તં વ્ય્ ઉબ્જામિ બ્રહ્મણા
તસ્ય મે દત્તમ્ અશ્વિના
દત્તં મે પુષ્કરસ્રજા ॥