પૈપ્પલાદ-સંહિતા · અધ્યાય 9.1

ઊર્ધ્વા અસ્ય સમિધો ભવન્ત્ય્
ઊર્ધ્વા શુક્રા શોચીંષ્ય્ અગ્નેઃ ।
દ્યુમત્તમા સુપ્રતીકસ્ય સૂનોસ્
તનૂનપાદ્ અસુરો વિશ્વવેદાઃ ॥

દેવો દેવેષુ દેવઃ
પથો અનક્તિ મધ્વા ઘૃતેન ।
મધ્વા યજ્ઞં નક્ષતિ પ્રીણાનો
નરાશંસઃ સુકૃદ્ દેવઃ
સવિતા વિશ્વવારઃ ॥

અચ્છાયમ્ એતિ શવસા ઘૃતેન-
-ઈડે વહ્નિં નમસાગ્નિમ્ ।
સ્રુચો અધ્વરેષુ પ્રયત્સુ ॥

સ યક્ષદ્ અસ્ય મહિમાનમ્ અગ્નેઃ
સ ઇન્ મન્દ્રાસુ પ્રયત્સુ ।
વસોશ્ ચેતિષ્ઠો વસુધાતમશ્ ચ ॥

દ્વારો દેવીર્ અન્નસ્ય વિશ્વે
વ્રતા દદન્તે અગ્નેઃ ।
ઉરુવ્યચસો ધામ્ના પત્યમાનાઃ ॥

તે અસ્ય વૃષણો દિવ્યા નુ યોના ।
ઉષાસાનક્તેમં યજ્ઞમ્
અવતામ્ અધ્વરં નઃ ॥

દૈવા હોતાર ઇમમ્ અધ્વરં નો
અગ્નેર્ જિહ્વેમ્ અભિ ગૃણીત ।
કૃણુતા નઃ સ્વિષ્ટિમ્ ॥

તિસ્રો દેવીર્ બર્હિર્ એદં સદન્ત્વ્
ઇડા સરસ્વતી મહી ।
ભારતી ગૃણાના ॥

તન્ નસ્ તુરીપમ્ અદ્ભુતં પુરુક્ષુ ।
ત્વષ્ટા સુવીર્યં રાયસ્પોષં
વિ સ્યર્ત નાભિમ્ અસ્મે ॥

વનસ્પતે અવ સૃજા
રરાણસ્ ત્મના દેવેભ્યઃ ।
અગ્નિર્ હવ્યં શમિતા સૂદયાતિ ॥

અગ્ને સ્વાહા કૃણુ
જાતવેદ ઇન્દ્રાય ભાગમ્ ।
વિશ્વે દેવા હવિર્ ઇદં જુષન્તામ્ ॥