પૈપ્પલાદ-સંહિતા · અધ્યાય 8.11

ચતસ્રસ્ તે ખલ સ્રક્તીર્
અથો મધ્યમ્ અહં ખલ ।
ધારાશ્ ચતસ્ર સ્તોષ્યામિ
વેદિં મનુષ્યવર્ધનીમ્ ॥

ઊર્જસ્વન્તમ્ આ રભધ્વં
સ્ફાતિમન્તં પુનીતન ।
ઇન્દ્રો બીજસ્યાભ્યાવોઢા
ભગ ઐતુ પુરોગવઃ ॥

ભગસ્ય હ્ય્ અનડ્વાહૌ
યુઞ્જાથાં રાશિવાહનૌ ।
અધા પૃથિવ્યાઃ કીલાલમ્
ઇહા વહતમ્ અશ્વિના ॥

અભિવૃતઃ પરિહિતો
ધાન્યેન વિભુઃ પ્રભુઃ ।
ભર્તા મનુષ્યાણાં જજ્ઞે
દેવાનામ્ આજ્યં ખલઃ ॥

સ્રુચ આસન્ પવનીઃ
સૃણીકાઃ પરિધિષ્કૃતઃ ।
કીનાશા આસન્ હોતારો
બીજદા આસીદ્ ધવિષ્પતિઃ ॥

ઇહેન્દ્ર મુષ્ટી વિ સૃજસ્વ
પૂર્ણાવ્ ઇહ સૌમનસઃ સમ્ ઋધ્યતામ્ ।
હુતાદો યે ચ ગન્ધર્વાસ્
ત ઇહ સ્ફાતિં સમ્ આ વહાન્ ॥

અતિપશ્યો નિચાયક
ઇડુકઃ પક્વમ્ આ ભર ।
ઈશાના ગન્ધર્વા ભુવનસ્ય
સર્વ આ વહન્તુ ખલે
સ્પાતિમ્ ઇહ સૂનૃતાં ચ ॥

આ પશ્ચાદ્ આ પુરસ્તાદ્
ઓત્તરાદ્ અધરાદ્ ઉત ।
ઇન્દ્રેહ વસોર્ ઈશાનઃ
ખલે સ્ફાતિં સમ્ આ વહ ॥

સ્ફાતિમ્ ઇન્દ્રઃ ખલે બહ્વીમ્
ઇહોત્ પ્રાણ ઉત્ પૃણત્ ।
સ્ફાતિં મે વિશ્વે દેવાઃ
સ્ફાતિં સોમો અથો ભગઃ ॥

સ્ફાતિર્ મે અસ્તુ હસ્તયોઃ
સ્ફાતિર્ યત્ર પરારભે ।
શતહસ્તેદમ્ ઉત્ પૃણ
સમુદ્રસ્યેવ મધ્યતઃ ॥

ઇહ મે ભૂય આ ભર
યથાહં કામયે તથા ।
યથેદમ્ ઉદ્ ઇવ સ્ફાયાતૈ
ત્રય ઇવ હસ્તિનઃ સહ ॥