પૈપ્પલાદ-સંહિતા · અધ્યાય 8.10

યદ્ અશ્વિના ઓષધીષ્વ્
આસિક્તં પુષ્કરસ્રજા
વીરુધો મધુ બિભ્રતિ ।
તેનાહમ્ અસ્યા મૂર્ધાનમ્
અભિ ષિઞ્ચામિ નાર્યાઃ ॥

યદ્ અશ્વિના પુષ્પાદ્ અધિ
માક્ષિકં મધુ સંભૃતમ્ ।
અન્ને લવણે યન્ મધુ
તેના(…) ॥

યદ્ અશ્વિના ગુલ્ગુન્યા-
-આઞ્જને મધુ સંભૃતં
યદ્ અસ્મિન્ મધુઘે મધુ ।
(…) ॥

યદ્ અશ્વિનાક્ષ મધુ
ગોષ્વ્ અશ્વેષુ યન્ મધુ ।
સુરાયાં સિચ્યમાનાયાં
કીલાલે ઽધિ યન્ મધુ ।
તેના(…) ॥

યદ્ અશ્વિના ગોવર્ચસં
હિરણ્યવર્ચસં હસ્તિવર્ચસમ્ અશ્વિના ।
તેનાહમ્ અસ્યા મૂર્ધાનમ્
અભિ ષિઞ્ચામિ નાર્યાઃ ॥

અભિ નન્દમ્ અભિ મોદમ્
અભિ દર્પં કૃણોમિ તે ।
આ તે ભગં વર્તયતામ્
અશ્વિના પુષ્કરસ્રજા ॥

દત્સુ તે વર્ચઃ સુભગે
જિહ્વાયાં તે મધૂલકમ્ ।
અક્ષ્યૌ નિકરણી તવ
પ્રતીકં મધુમત્તરમ્ ॥

આ સચસ્વ તલાશેવ
વૃક્ષ ઇવાપતિકઃ પતિમ્ ।
ત્વં સમ્ અગ્રભીઃ પુંસઃ
શ્યેન ઇવાન્યાન્ પતત્રિણઃ ॥

આ હિ તે હાર્ષમ્ ઉદકમ્
અપો ભગાભિષેચનીઃ ।
યત્ તે વર્ચો ઽપક્રાન્તં
મુખસ્ય પ્રતિચક્ષણાત્ ।
પુનસ્ તદ્ અશ્વિના ત્વય્ય્
આ ધત્તાં પુષ્કરસ્રજા ॥

અભિ ત્વા વર્ચસાસિચં
દિવ્યેન પયસા સહ ।
યથા પતિવત્ન્ય્ અસો
દેવૃગ્ભ્યો મધુમત્તરા ॥

ભગં તે મિત્રાવરુણા
ભગં દેવી સરસ્વતી ।
ભગં તે અશ્વિનોભા-
-આ ધત્તાં પુષ્કરસ્રજા ॥

પતિં તે રાજા વરુણઃ
પતિં દેવો બૃહસ્પતિઃ ।
પતિં ત ઇન્દ્રશ્ ચાગ્નિશ્ ચ
પતિં ધાતા દધાતુ તે ॥