પૈપ્પલાદ-સંહિતા · અધ્યાય 7.9

આ નો દિશ મા પરિ ષ્ઠા અરાતે
મા નો રક્ષીર્ દક્ષિણાં યાચમાનામ્ ।
પ્ર ણઃ પ્રદાતા સવિતા ચ યચ્છતાં
નમો વીર્ત્સાયા અસમૃદ્ધ્યૈ ચ કૃણ્મઃ ॥

યમ્ અરાતે પુરોધત્સે
પુરુષં પરિરાપિણમ્ ।
નમસ્ તે તસ્મૈ કૃણ્મો
મા વનિં મમ વિવ્યથઃ ॥

યમ્ અદ્યાભિપ્રયુઞ્જ્મહે
મનસા હૃદયેન ચ ।
અરાતે તં નો મા વીર્ત્સીર્
દિત્સન્તં પરિરાપિણિ ॥

પ્ર ણો વનિર્ દેવકૃતા
દિવા નક્તં ચ સિધ્યતુ ।
અરાતિમ્ અનુપ્રેમો વયં
નમો ઽસ્ત્વ્ અરાતયે ॥

ઉત નગ્ના બોભુવતી
સ્વપ્નયા સચસે જનમ્ ।
અરાતે ચિત્તં વીર્ત્સન્ત્ય્
આકૂતિં પુરુષસ્ય ચ ॥

પરો ઽપેહ્ય્ અસમૃદ્ધે
વિ તે હેતિં નયામસિ ।
યં દ્વિષ્મસ્ તં સચસ્વ
કન્યા ભૂત્વા સ્રગ્વિણી રુક્મિણી દૃશે ॥

નમસ્ તે ઽસ્ત્વ્ અસમૃદ્ધે
મા માં પુરોધિં કૃણુથાઃ ।
વેદ ત્વાહં નિમીવન્તીં
નિતુદન્તીમ્ અરાતે
મર્ત્યાન્ મર્ત્યેભ્યો અધિ નિર્વદન્તીમ્ ॥

મા નો વનિં મા વાચં મા વીર્ત્સીર્
ઉગ્રાવ્ ઇન્દ્રાગ્ની ન આ ભજતાં વસૂનિ ।
સર્વે નો ઽદ્ય દિત્સન્તો
અરાતિં પ્રતિ હર્યત ॥

સવિતારમ્ અનુમતિં
ભગં યન્તો હવામહે ।
વાચં જુષ્ટાં મધુમતીં વદાનિ
દેવાનાં દેવહૂતિષુ ॥

યં યાચામિ નકુલ્યા
જિહ્વયોષ્ઠાપિધાનયા ।
શ્રદ્ધા તમ્ અદ્ય વિન્દતુ
દત્તા સોમેન બભ્રુણા ॥