પૈપ્પલાદ-સંહિતા · અધ્યાય 7.8

યો નઃ પાપેન વચસા-
-અઘોષતો દુરુક્તં બ્રુવત્ ।
આરાચ્ છપ્તમ્ અપ્રાપ્યાસ્માન્
અપ તદ્ યાતુ સર્વતઃ ॥

યન્ નઃ શપાદ્ અરણો યત્ સપત્નઃ
શ્વશ્રૂર્ વા યચ્ છ્વશુરો વા શપાતિ ।
જ્યાયસઃ શપથાન્ વયં
યવેન યાવયામસિ ॥

યાન્ સમસ્યન્તે શપથાન્
વાક્ક્ષમ્યાનૃત્વિયામધિ ।
યવં ત્વં બિભ્રદ્ બાહ્વોઃ
પૂર્વઃ પ્રતિ શૃણીહિ તાન્ ॥

ઋજુકેશો યવો બભ્રુર્
મઘવા નો ઽનુમાદ્યઃ ।
હિરણ્યધન્વા શપથાન્ ઉપેજતુ ॥

ત્વાં પીત્વેન્દ્રો વૃત્રં
શક્રો જઘાન વાસવઃ ।
સ વિષાહી યથર્ષભઃ
સહસ્વ શપથાન્ યવ ॥

આરાચ્ ચરન્તુ શપથા યુતા ઇતો
જિહ્વા ઉ દિતા અરસાઃ સન્તુ સર્વે ।
નામગ્રાહાદ્ વાચો હેડાદ્
ઈક્ષિતાદ્ ઘોરચક્ષસઃ
શર્મ તે વર્મ કૃણ્મસિ ॥

અપાઞ્ચો યન્તુ શપથા
જનેનાસ્તા અઘાયુના ।
યો નો દુરસ્યાજ્ જીવતે
સ્વેનાનાગસે સતે ॥

પરિ મા પાતુ શપથાદ્
અનૃતાદ્ દુરિતાદ્ ઉત ।
પરિ મા જ્યાયસઃ શંસાદ્
યવો રક્ષતુ મા રિષમ્ ॥

અનાસ્તિગ્યં શપથૈર્
અનતિવ્યાધ્યં કૃતમ્ ।
બૃહદ્ વર્મ પ્રતિ મુઞ્ચામિ તે યવમ્ ॥

તં વયાંસીવ પક્ષિણ
આ વિશન્તુ પતત્રિણઃ ।
શપ્તારં શપથાઃ પુનઃ ॥