પૈપ્પલાદ-સંહિતા · અધ્યાય 7.10

ઐતુ દેવસ્ ત્રાયમાણઃ
કુષ્ઠો હિમવતસ્ પરિ ।
તક્માનં સર્વં નાશયન્
સર્વાશ્ ચ યાતુધાન્યઃ ॥

ત્રીણિ તે કુષ્ઠ નામાનિ
નઘમારો નઘારિષો નઘાયુષો
ન ઘાયં પુરુષો રિષત્ ।
યસ્મૈ પરિબ્રવીમિ ત્વા
સાયંપ્રાતર્ અથો દિવા ॥

જીવલા નામ તે માતા
જીવન્તો નામ તે પિતા
મારિષા નામ તે સ્વસા
ન (…) ॥

ઉત્તમો ઽસ્ય્ ઓષધીનામ્
અનડ્વાઞ્ જગતામ્ ઇવ
વ્યાઘ્રઃ શ્વપદામ્ ઇવ
ન ઘાયં પુરુષો રિષત્ ।
યસ્મૈ પરિબ્રવીમિ ત્વા
સાયંપ્રાતર્ અથો દિવા ॥

ત્રિઃ શામ્બુભ્યો ગિરેયેભ્યસ્
ત્રિર્ આદિત્યેભ્યસ્ પરિ ।
ત્રિર્ જાતો વિશ્વદેવેભ્યઃ
સ કુષ્ઠો વિશ્વભેષજઃ
સાકં સોમેન તિષ્ઠતિ ।
તક્માનં સર્વં નાશયન્
સર્વાશ્ ચ યાતુધાન્યઃ ॥

અશ્વત્થો દેવસદનસ્
તૃતીયસ્યામ્ ઇતો દિવિ ।
તત્રામૃતસ્ય ચક્ષણં
તતઃ કુષ્ઠો ઽજાયત ।
સઃ (…) ॥

હિરણ્યયી નૌર્ અચરદ્
ધિરણ્યબન્ધના દિવિ (…) ॥

યત્ર નાવઃ પ્રભ્રંશનં
યત્ર હિમવતઃ શિરઃ ।
તત્રામૃતસ્ય ચક્ષણં
તતઃ કુષ્ઠો અજાયત ।
સ કુષ્ઠો વિશ્વભેષજઃ
સાકં સોમેન તિષ્ઠતિ ।
તક્માનં સર્વં નાશયન્
સર્વાશ્ ચ યાતુધાન્યઃ ॥

યં ત્વા વેદ પૂર્વ ઐક્ષ્વાકો
યં વા ત્વા કુષ્ઠ કાશ્યઃ ।
યં શાવસો યં માત્સ્યસ્
તેનાસિ વિશ્વભેષજઃ ॥

શીર્ષાલાકં તૃતીયકં
સદન્દિર્ યશ્ ચ હાયનઃ ।
તક્માનં વિશ્વધાવીર્ય-
-અધરાઞ્ચં પરા સુવ ॥