પૈપ્પલાદ-સંહિતા · અધ્યાય 7.7

દર્ભો અગ્ર ઓષધીનાં
શતકાણ્ડો અજાયત ।
સ સહસ્રવીર્યઃ
પરિ ણઃ પાતુ વિશ્વતઃ ॥

યથા દર્ભો જાયમાનસ્
ત્વચં ભિનત્તિ ભૂમ્યાઃ ।
એવા સ ભિદ્યતાં જનો
યો નઃ પાપં ચિકિત્સતિ ॥

અપ નાડમ્ અપ કૃત્યામ્
અપ રક્ષઃ સદાન્વાઃ ।
અમીવાશ્ ચાતયામસિ
સર્વાશ્ ચ યાતુધાન્યઃ ॥

અસ્તિ વૈ નિવત ઉદ્વનં
ન વૈ સર્વમ્ અનુપ્લવમ્ ।
અસિ ત્વં તસ્ય દૂષણો
યો નઃ પાપં ચિકિત્સતિ ॥

પરિ સાયં પરિ પ્રાતઃ
પરિ મધ્યંદિનં પરિ ।
દર્ભો હિરણ્યહસ્તઘ્નઃ
પરિ ણઃ પાતુ વિશ્વતઃ ॥

ગિરૌ જાતઃ સ્વર્ અહાસિ
સાકં સોમેન બભ્રુણા ।
મા પાપકૃત્વનઃ શિષો
મા પાકઃ પુરુષો રિષત્ ॥

દિવો મૂલમ્ અવતતં
પૃથિવ્યામ્ ઓત આહિતઃ ।
દર્ભઃ સહસ્રવીર્યઃ
પરિ ણઃ પાતુ વિશ્વતઃ ॥

સહસ્રકાણ્ડસ્ તવિષસ્
તીક્ષ્ણવલ્શો વિષાસહિઃ ।
દર્ભેણ સર્વા રક્ષાંસ્ય્
અમીવાશ્ ચાપ દહામસિ ॥

અપદગ્ધં દુષ્વપ્ન્યમ્
અપદગ્ધા અરાતયઃ ।
સર્વાશ્ ચ યાતુધાન્યઃ ॥

મા ત્વા દભન્ યાતુધાના
મા બ્રધ્નઃ શકુનિઃ પતન્ ।
દર્ભો રાજા સમુદ્રિયઃ
પરિ ણઃ પાતુ વિશ્વતઃ ॥