પૈપ્પલાદ-સંહિતા · અધ્યાય 7.6

સત્યસ્ય સ્થૂણા પૃથિવીં દાધાર
ઋતેન દેવા અમૃતમ્ અન્વ્ અવિન્દન્ ।
ધ્રુવેણ ત્વા હવિષા ધારયામ્ય્
અભિ તદ્ દ્યાવાપૃથિવી ગૃણીતામ્ ॥

યેભિર્ હોમૈર્ વિશ્વકર્મા
દાધારેમાં પૃથિવીં માતરં નઃ ।
તેભિષ્ ટ્વા હોમૈર્ ઇહ ધારયામ્ય્
ઋતં સત્યમ્ અનુ ચરન્તુ હોમાઃ ॥

ઇહ ધ્રિયધ્વં ધરુણે પૃથિવ્યા
ઉશત્યા માતુઃ સુભગાયા ઉપસ્થે ।
અપરાણુત્તા મહસા મોદમાના
અસ્મિન્ વાસ્તૌ સુપ્રજસો ભવાથ ॥

સુપ્રજસો મહસા મોદમાના
વર્ષ્મન્ પૃથિવ્યા ઉપરિ શ્રયધ્વમ્ ।
અસ્યૈ શાલાયૈ શર્મ યચ્છન્તુ દેવા
ધારાભિર્ એનાં પૃથિવી પિપર્તુ ॥

ઇમાં શાલાં શ્રેષ્ઠતમાં વસૂનામ્
અરિષ્ટવીરા અભિ સં ચરેમ ।
દૃઢા અસ્યા ઉપમિતો ભવન્તુ
સ્થિરા વીરા ઉપસદો ભવન્તુ ॥

ઇમાં શાલાં સવિતા વાયુર્ ઇન્દ્રો
બૃહસ્પતિર્ નિ મિનોતુ પ્રજાનન્ ।
ઉક્ષન્તૂદ્ના મરુતો ઘૃતેન
ભગો નો રાજા નિ કૃષિં દધાતુ ॥

માનસ્ય પત્નિ હવિષો જુષસ્વ
તીવ્રાન્તસ્ય બહુલમધ્યમસ્ય ।
આ ત્વા શિશુર્ વાશ્યતામ્ આ કુમાર
આ વાશ્યન્તાં ધેનવો નિત્યવત્સાઃ ॥

દૃઢાસ્ તે સ્થૂણા ભવન્તુ ભૂમ્યામ્ અધિ
દૃઢાઃ પક્ષાસસ્ તવ દેવિ શાલે ।
સ્થિરવીરાનમિત્રા ન એધિ
શર્મ નો યચ્છ દ્વિપદે ચતુષ્પદે ॥

શાલા દેવી ગાર્હપત્યાય ચાક્લ્̥પે
તૃણં વસાના જગતે સુશેવા ।
સ્થિરાઙ્ગાં ત્વા સ્થિરપૂરુષાં માનસ્ય પત્નિ
સ્થિરાં ત્વા વીરા અભિ સં ચરેમ ॥

વાસ્તોષ્પતે પ્રતિ જાનીહ્ય્ અસ્માન્
સ્વાવેશો અનમીવો ન એધિ ।
યત્ ત્વેમહે પ્રતિ નસ્ તજ્ જુષસ્વ
ચતુષ્પદો દ્વિપદ આ વેશયેહ ॥