પૈપ્પલાદ-સંહિતા · અધ્યાય 7.13
યાસામ્ આરાદ્ આઘોષામો
વાતસ્યેવ પૃથગ્ યતઃ ।
તાસાં શ્વન્વતીનામ્
ઇન્દ્રો અપિ કૃતચ્ છિરઃ ॥
યાઃ પુરસ્તાદ્ આચરન્તિ
સાકં સૂર્યસ્ય રશ્મિભિઃ (…) ॥
યા વાતમ્ અનુસંયન્ત્ય્
અન્તરિક્ષે અધો દિવઃ (…) ॥
યાસાં પ્રેઙ્ખો દિવિ બદ્ધો
અન્તરિક્ષે હિરણ્યયઃ (…) ॥
યાસ્ તલ્પાન્ અનુનૃત્યન્ત્ય્
અન્તરિક્ષે હિરણ્યયાન્ (…) ॥
યાઃ પતન્તિ વાતરથા
ઉત્તાનાઃ પાદઘાતિનીઃ (…) ॥
યા વૃક્ષં પરિસર્પન્તિ
સાચ્ય્ અક્ષી કરિક્રતીઃ (…) ॥
યાશ્ ચત્વરે સંગચ્છન્તે
વિકુમ્બાશ્ ચેલવાસિનીઃ (…) ॥
યાસાં સિકતવાપિષુ
ગૃહો મિતો હિરણ્યયઃ (…) ॥
યા આરોકૈઃ પ્રપદ્યન્તે
પુષ્કરૈર્ ઇવ જામયઃ (…) ॥
યા નદીઃ પ્રતિગાહન્તે
સંરભ્ય કન્યા ઇવ (…) ॥
યાસ્ તીર્થાનિ વિગાહન્તે
ઽઘ્ન્યાઃ શ્વસતીર્ ઇવ (…) ॥
યાઃ સમુદ્રાદ્ ઉચ્ચરન્ત્ય્
ઉચ્ચૈર્ ઘોષાન્ કરિક્રતીઃ (…) ॥
યા ગચ્છન્તિ જનંજનમ્
ઇચ્છન્તીઃ પ્રયુતં બહુ ।
તાસાં શ્વન્વતીનામ્
ઇન્દ્રો અપિ કૃતચ્ છિરઃ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0