પૈપ્પલાદ-સંહિતા · અધ્યાય 7.12

એકરાજ્ઞીમ્ એકવ્રતામ્
એકસ્થામ્ એકલામિકામ્ ।
પાટાં સપત્નચાતનીં
જૈત્રાયાચ્છા વદામસિ ॥

એકરાજ્ઞ્ય્ એકવ્રત
એકસ્થ એકલામિકે ।
ન ત્વા સપત્ની સાસાહ
ગૈરેયી ચ ન બાહ્યા ॥

ઉત્તરાહમ્ ઉત્તરાભ્ય
ઉત્તરેદ્ અધરાભ્યઃ ।
અધઃ સપત્ની મામક્ય્
અધરેદ્ અધરાભ્યઃ ॥

ન સૈન્ધવસ્ય પુષ્પસ્ય
સૂર્યો મ્લાપયતિ ત્વચમ્ ।
પાટે ઽમ્લાતયા ત્વયા
સપત્ન્યા વર્ચ આ દદે ॥

ન વૈ પાટે પાટેવાસિ
સુભાગંકરણીદ્ અસિ ।
પાટે ભગસ્ય નો ધેહ્ય્
અથો મા મહિષીં કૃણુ ॥

યત્ પાટે અધિ વૃક્ષે
વાતપ્લવા મહીયસે ।
જયન્તી પ્રત્યાતિષ્ઠન્તી
સંજયા નામ વા અસિ ॥

ઉત્તાનપર્ણાં સુભગાં
સહમાનાં સહસ્વતીમ્ ।
અચ્છા બૃહદ્વદાં વદ
પાટાં સપત્નચાતનીમ્ ॥

પાટામ્ ઇન્દ્રો વ્ય્ આશ્નાદ્
ધન્તવા અસુરેભ્યઃ ।
તયાહં સપત્નીં સાક્ષીય
મહેન્દ્રો દાનવાન્ ઇવ ॥

પાટા બિભર્ત્ય્ અઙ્કુશં
હિરણ્યવન્તમ્ અઙ્કિનમ્ ।
તેન સપત્ન્યા વર્ચ
આ લુમ્પામિ મમેદ્ અસત્ ॥

ઇમાં ખનામ્ય્ ઓષધિં
વીરુધાં બલવત્તમામ્ ।
યયા સપત્નીં બાધતે
કૃણુતે કેવલં પતિમ્ ॥