પૈપ્પલાદ-સંહિતા · અધ્યાય 7.11

યે પર્વતાઃ સોમપૃષ્ઠા
આપ ઉત્તાનશીવરીઃ ।
વાતઃ પર્જન્ય આદ્ અગ્નિસ્
તે ક્રવ્યાદમ્ અશીશમન્ ॥

યસ્ તે હન્તિ ચરાચરમ્
ઉત્થાસ્યન્તં સરીસૃપમ્ ।
ગર્ભં યો દશમાસ્યં
તમ્ ઇતો નાશયામસિ ॥

યદિ ઘ્નન્ત્ય્ અપ્સરસો
ગન્ધર્વા ગેહ્યા ઉત ।
ક્રવ્યાદો મૂરદેવિનસ્
તાન્ ઇતો નાશયામસિ ॥

યસ્ ત ઊરૂ આરોહત્ય્
અસૃક્ તે રેહણાય કમ્ ।
આમાદઃ ક્રવ્યાદો રિપૂંસ્
તાન્ ઇતો નાશયામસિ ॥

યસ્ તે શ્રોણી ચ્યાવયત્ય્
અન્તરા દમ્પતી શયે ।
યોનિં યો અન્તર્ આરેઢિ
તમ્ ઇતો નાશયામસિ ॥

યસ્ ત્વા સ્વપ્નેન તમસા
મોહયિત્વા નિપદ્યતે ।
પ્રજાં યસ્ તે જિઘત્સતિ
તમ્ (…) ॥

યસ્ ત્વા પત્યુઃ પ્રતિરૂપો
જારો ભૂત્વા નિપદ્યતે ।
અરાયં કણ્વં પાપ્માનં
તમ્ ઇતો નાશયામસિ ॥

હા હૈ ખર્વ ખલતે
નૈગૂરકર્ણ તુણ્ડિલ ।
ઇન્દ્રસ્ય તિગ્મમ્ આયુધં
તેન ત્વા નાશયામસિ ॥

નમસ્ તણ્ડાય નમઃ કુસુમાય
નમઃ પ્રતિપાવ્ને નમઃ કઃસ્વધેયે ।
નમસ્ તુભ્યં નિરૃતે વિશ્વવારે
જરેમં ધાપયતાં વિશ્વરૂપા ॥

યાવદ્ દ્યૌર્ યાવત્ પૃથિવી
યાવત્ પર્યેતિ સૂર્યઃ ।
તાવત્ ત્વમ્ ઉગ્ર ગુલ્ગુલો
પરીમાં પાહિ વિશ્વતઃ ॥