પૈપ્પલાદ-સંહિતા · અધ્યાય 6.10

કર્કી સુભાગ ઋષભસ્ય પત્ની
પ્રજાકામા વશિની વાશિતા ગૌઃ ।
તાં સહસ્રમ્ એકમુખા દદાતિ
ગર્ભં દધાનામ્ ઋતુના ચરન્તીમ્ ॥

ગર્ભં દધાના પય ઇદ્ દુહાના
અગ્નિહોત્રં વૈશ્વદેવી દુહાના ।
ગૌર્ ણો મા હિંસીદ્ વરુણસ્ય પત્ની ॥

કર્ક્યા યોનિં સંમનસો ઽભિ ગાવઃ
પ્રજાં ધિત્સન્તો વૃષણશ્ ચરન્તિ ।
સા ન ઐત્વ્ અદિતિર્ વિશ્વરૂપા-
-અભિ ક્રન્દન્તિ ભુવનાન્ય્ એનામ્ ॥

પ્રજાપતિનેષિતામ્ ઋત્વિયાવતીમ્
ઐનાં પ્રજાયા ઋષભાઃ શ્રયન્તે ।
વૃષણ્યન્તીં વૃષણઃ સપ્તનામ્નીં
હિંકૃણ્વન્તો અભિ નુદન્તુ વાશિતામ્ ॥

સા પ્રત્ય્ અદર્શ્ય્ ઉષસા સુવર્ણા
શુક્રાં વસાના વરુણસ્ય નિર્ણિજમ્ ।
વૈશ્વદેવી સ્વધામ્ આભરન્તી
પ્રજાં દાતા પુષ્યતુ ગોપતિષ્ ટે ॥

સ્વયંસ્થાવર્ય્ ઋષભાય તિષ્ઠસિ
પ્રતીચી સોમં પ્રતિ સૂર્યમ્ અગ્નિમ્ ।
અહિંસન્તી વાશિતે મામ્ ઉપેહિ
પશૂન્ દાતા પુષ્યતુ ગોપતિષ્ ટે ॥

વશી દાતા ભવતુ વાશિતાયા
અગ્નેર્ ભાગમ્ ઉસ્રિયાં યો દદાતિ ।
પ્રિયં ધામ હૃદયં સોમ્યં મધુ
વાજિનીં ત્વા વાજિનો વાજયન્તુ ॥

યો વાશિતાયાં ગવ્ય્ અન્તર્ અગ્નિર્
યદ્ અસ્યાં નૃમ્ણં મહિમા બભૂવ ।
નમસ્ તસ્મૈ પ્રતિગૃહ્ણન્ કૃણોમિ
સ્યોના મે અસ્તુ તન્વે સુશેવા ॥

એયમ્ અગન્ વાશિતા તાં પ્રતીમઃ
પુંસાં વ્રાતેન સહ પુષ્ટ્યા ગૌઃ ।
ઊર્જં દધાના ઘૃતમ્ ઇદ્ દુહાના
સહસ્રપોષાય મે અસ્તુ દાત્રે ॥