પૈપ્પલાદ-સંહિતા · અધ્યાય 5.9

ખાદિરેણ શલિલેન-
-અથો કઙ્કતદન્ત્યા ।
અથો વિષસ્ય યદ્ વિષં
તેન પાપીર્ અનીનશમ્ ॥

કિત્યા શતપર્વણા
સહસ્રાક્ષેણ ચર્મણા ।
તીક્ષ્ણાભિર્ અભ્રિભિર્ વયં
નિર્ અજામઃ સદાન્વાઃ ॥

સહઃ સહસ્વત્ય્ અસિ-
-ઇતઃ કણ્વાઃ પરો ઽનુદઃ ।
ઇમા યા અધુનાગતા
યાશ્ ચેહ ગ્રહણીઃ પુરા ॥

ન તા ઇત્થા ન તા ઇહાવ માસતા
ઉખેવ શૃઙ્ગવચ્ છિરઃ ।
સદાન્વા બ્રહ્મણસ્પતે
તીક્ષ્ણશૃઙ્ગોદૃષન્ન્ ઇહિ ॥

વિ તે નુ મન્થાઃ શશ્રિરે
બિભિદે તે ગદોહની ।
દદૌ તે અદ્ય ગૌઃ કણ્વે
પરેહ્ય્ અવરં મૃણે ॥

યાસ્ તર્કે તિષ્ઠન્તિ યા વલીકે
યાઃ પ્રેઙ્ખે પ્રેઙ્ખયન્ત ઉત યા નુ ઘોરાઃ ।
યા ગર્ભાન્ પ્રમૃશન્તિ
સર્વાઃ પાપીર્ અનીનશમ્ ॥

યાશ્ ચેલં વસત ઉત યા નુ દૂર્શં
નીલં પિશઙ્ગમ્ ઉત લોહિતં યાઃ ।
યા ગર્ભાન્ પ્રમૃશન્તિ
સર્વાઃ પાપીર્ અનીનશમ્ ॥

આખિદન્તીર્ વિખિદન્તીઃ
પ્રાણમ્ અસ્યાપિ નહ્યત ।
દુર્ણામ્નીઃ સર્વાઃ સંગત્ય
મામુષ્યોચ્ છિષ્ટ કિં ચન ॥