પૈપ્પલાદ-સંહિતા · અધ્યાય 4.36
મન્વે વાં દ્યાવાપૃથિવી સુભોજસૌ
યે અપ્રથેથામ્ અમિતા યોજનાનિ ।
પ્રતિષ્ઠે હ્ય્ અભવતં વસૂનાં
તે નો મુઞ્ચતમ્ અંહસઃ ॥
પ્રતિષ્ઠે હિ બભૂવથુર્ વસૂનાં
પ્રવૃદ્ધે દેવી સુભગે ઉરૂચી ।
દ્યાવાપૃથિવી ભવતં મે સ્યોને
તે નો મુઞ્ચતમ્ અંહસઃ ॥
યે સ્રોત્યા બિભૃથો યે મનુષ્યાન્
યે અમૃતં બિભૃથો યે હવીંષિ ।
દ્યાવાપૃથિવી ભવતં મે સ્યોને
તે નો મુઞ્ચતમ્ અંહસઃ ॥
યે ઉસ્રિયા બિભૃથો યે વનસ્પતીન્
યયોર્ વાં વિશ્વા ભુવનાન્ય્ અન્તઃ ।
દ્યાવાપૃથિવી ભવતં મે સ્યોને
તે નો મુઞ્ચતમ્ અંહસઃ ॥
યે કીલાલૈસ્ તર્પયથો યે ઘૃતેન
યાભ્યાં ન ર્તે કિં ચન શક્નુવન્તિ ।
દ્યાવાપૃથિવી ભવતં મે સ્યોને
તે નો મુઞ્ચતમ્ અંહસઃ ॥
અસન્તાપે સુતપસા હુવે વામ્
ઉર્વી ગભીરે કવિભિર્ નમસ્યે ।
દ્યાવાપૃથિવી ભવતં મે સ્યોને
તે નો મુઞ્ચતમ્ અંહસઃ ॥
યન્ મેદમ્ અભિશોચતિ
યેન વા યેન વા કૃતં
પૌરુષેયં ન દૈવ્યમ્ ।
સ્તૌમિ દ્યાવાપૃથિવી નાથિતો જોહવીમિ
તે નો મુઞ્ચતમ્ અંહસઃ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0