પૈપ્પલાદ-સંહિતા · અધ્યાય 3.14

યેન વેહદ્ બભૂવિથ
નાશયામસિ તદ્ વયમ્ ।
ઇદં તદ્ અન્યત્ર ત્વદ્
અપ દૂરે નિ દધ્મસિ ॥

આ તે ગર્ભો યોનિમ્ એતુ
પુમાન્ વાણ ઇવેષુધિમ્ ।
આ વીરો ઽત્ર જાયતાં
પુત્રસ્ તે દશમાસ્યઃ ॥

પુમાંસં પુત્રં જનય
તં પુમાન્ અનુ જાયતામ્ ।
ભવાસિ પુત્રાણાં માતા
જાતાનાં જનયાસિ ચ ॥

યાનિ ભદ્રાણિ બીજાન્ય્
ઋષભા જનયન્તિ ।
તૈસ્ ત્વં પુત્રં વિન્દસ્વ
સા પ્રસૂર્ ધેનુકા ભવ ॥

કૃણોમિ તે પ્રજાપત્યમ્
આ ગર્ભો યોનિમ્ એતુ તે ।
વિન્દસ્વ પુત્રં નારિ
યસ્ તુભ્યં શમ્ અસચ્
છમ્ ઉ તસ્મૈ ત્વં ભવ ॥

યાસાં પિતા પર્જન્યો
ભૂમિર્ માતા બભૂવ ।
તાસ્ ત્વા પુત્રવિદ્યાય
દેવીઃ પ્રાવન્ત્વ્ ઓષધીઃ ॥

યસ્ તે યોનિમ્ ઉદિઙ્ગયાદ્
ઋષભો રેતસા સહ ।
સ ત આ સિઞ્ચતુ પ્રજાં
દીર્ઘાયું શતશારદામ્ ॥