ગ્રંથ પાઠ

પૈપ્પલાદ-સંહિતા · અધ્યાય 2.9

2.9.1

ઇયં વીરુન્ મધુજાતા
મધુને ત્વા ખનામસિ ।
મધોર્ અધિ પ્રજાતાસિ
સા નો મધુમતસ્ કૃધિ ॥

2.9.2

જિહ્વાયા અગ્રે મે મધુ
જિહ્વામૂલે મધૂલકમ્ ।
યથા માં કામિન્ય્ અસો
યથા મામ્ અન્વ્ આયસિ ॥

2.9.3

પરિ ત્વા પરિતત્નુના-
- ઇક્ષુણાગામ્ અવિદ્વિષે ।
યથા ન વિદ્વિષાવહૈ
ન વિભવાવ કદા ચન ॥

2.9.4

રાજ્ઞે બ્રૂહિ વરુણાય-
-અશ્વાય પુરુષાય ચ ।
પથા મે પથ્યે રેવતિ
જાયામ્ આ વહ સાધુના ॥

2.9.5

જાયાં મે મિત્રાવરુણા
જાયાં દેવી સરસ્વતી ।
જાયાં મે અશ્વિનોભા-
-આ ધત્તાં પુષ્કરસ્રજા ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0