ગ્રંથ પાઠ

પૈપ્પલાદ-સંહિતા · અધ્યાય 2.79

2.79.1

હિરણ્યપુષ્પી સુભગા
કૂપશ્ ચાયં સુમઙ્ગલઃ ।
તાવ્ એનાં ભદ્રયા ધત્તામ્
અમૃતાવ્ અમૃતે ભગે ॥

2.79.2

હિરણ્યં પૃડ્વદ્ ધરિતં
તત્ તે અઙ્ગેષુ રોહતુ ।
તેનેમામ્ અશ્વિના નારીં
ભગેનાભિ ષિઞ્ચતમ્ ॥

2.79.3

યથા કૂપમ્ ઉદહૃતસ્
તૃષ્યન્તો યન્તિ કામિનઃ ।
એવા ત્વા સર્વે દેવરઃ
પતયો યન્તુ કામિનઃ ॥

2.79.4

હિરણ્યાક્ષિ મધુવર્ણે
હિરણ્યપરિચર્તને ।
અઙ્કો હિરણ્યયસ્ તવ
તેનાસ્યૈ પતિમ્ આ વહ ॥

2.79.5

યદિ વાસિ તિરો જનં
યદિ વા નદ્યસ્ તિરઃ ।
ઇયં ત્વા મહ્યમ્ ઓષધિર્
અઙ્કેનેવ ન્ય્ આ નયાત્ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0