પૈપ્પલાદ-સંહિતા · અધ્યાય 2.80
પુનઃ પ્રાણં પુનર્ અપાનમ્ અસ્મૈ
પુનર્ વ્યાનમ્ ઉત સોમ ધેહિ ।
આત્માયં ચક્ષુર્ ?ઉદતે સમાનસ્
તમ્ ઊ નુ પાહિ તમ્ ઊ નુ જિન્વ જાગૃહિ ॥
ત્વષ્ટા રૂપેણ સવિતા સવેન-
-અહર્ મિત્રેણ વરુણેન રાત્રી ।
ઇન્દ્રો જ્યૈષ્ઠ્યેન બ્રહ્મણાયં બૃહસ્પતિઃ
પૂષાસ્મૈ પુનર્ અસું દધાતુ ॥
ય આદિત્યા વસવો યે ચ રુદ્રા
વિશ્વે દેવા અદિતિર્ યા ચ રાત્રી ।
યજ્ઞો ભગઃ સવિતા યે ચ દેવા
યમો ઽસ્મૈ પુનર્ અસું દધાતુ ॥
પુનસ્ તે રાજા વરુણો દદાતુ
સોમો રાજાસુમ્ ઇત્ તે પુનર્ દાત્ ।
ઇન્દ્રો મરુદ્ભિર્ અશ્વિના તે ભિષજ્યતામ્
અગ્ની રુદ્રો ઽસુમ્ ઇત્ તે પુનર્ દાત્ ॥
પુનર્ દ્યૌર્ દેવી પુનર્ અન્તરિક્ષમ્
અગ્નિર્ વાતઃ પવમાનો ભિષજ્યતુ ।
ગ્રાહ્યાઃ પાશાન્ નિરૃત્યાઃ પાશાન્ મૃત્યોઃ પાશાદ્
વાક્ ત્વા દેવી પુનર્ દદાતુ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0