પૈપ્પલાદ-સંહિતા · અધ્યાય 2.73

ઇદં તન્ મિત્રાવરુણા હવિર્ વાં
યેનાગ્રે દેવા અમૃતત્વમ્ આયન્ ।
તેનાસ્મૈ ક્ષત્રમ્ અધિ ધારયૌજો
ઽસપત્નાઃ પ્રદિશઃ સન્ત્વ્ અસ્મૈ ॥

ઘૃતસ્ય ધારા મિત્રાવરુણા
દુહાં વાં ધેનુર્ અનપસ્ફુરન્તી ।
દેવઃ સવિતોત વાયુર્ અગ્નિર્
ભૂતસ્ય પતિર્ ઇહ શર્મ યચ્છાત્ ॥

શં નસ્ તન્ મિત્રાવરુણા ગૃણીતં
તૃઢા અમિત્રા બહુધા વિ શેરામ્ ।
જયતુ સેનોપ ઘોષ એતુ
પૃથક્ સત્વાનો બહુધા ભરન્તામ્ ॥

હનામ મિત્રાવરુણાવ્ અમિત્રાન્
ભવામ ભદ્રે સુકૃતસ્ય લોકે ।
પારયાન્ નઃ સવિતા દેવો અગ્નિર્
જયામેદં હવિષા કશ્યપસ્ય ॥

વાતો યં મિત્રાવરુણા તદ્ આહ
વિશ્વન્તરં નિર્મિતં કશ્યપસ્ય ।
અધ્વર્યવો મરુતો યસ્યાસન્
તેન દેવેભ્યો વરિમાણિ ચક્રુઃ ॥