પૈપ્પલાદ-સંહિતા · અધ્યાય 2.74

અચિક્રદત્ સ્વપા ઇહ ભવદ્
અગ્ને યજસ્વ રોદસી ઉરૂચી ।
આમું નય નમસા રાતહવ્યો
યુઞ્જન્તુ સુપ્રજસં પઞ્ચ જનાઃ ॥

દૂરે ચિત્ સન્તમ્ અરુષાસ ઇન્દ્રમ્
આ ચ્યાવયન્તુ સખ્યાય વિપ્રમ્ ।
યદ્ ગાયત્રીં બૃહતીમ્ અર્કમ્ અસ્મૈ
સૌત્રામણ્યાદધૃષન્ ?તુ દેવાઃ ॥

અદ્ભ્યસ્ ત્વા રાજા વરુણો જુહાવ
સોમસ્ ત્વાયં હ્વયતુ પર્વતેભ્યઃ ।
ઇન્દ્રસ્ ત્વાયં હ્વયતુ વિડ્ભ્ય આભ્યઃ
શ્યેનો ભૂત્વા વિશ આ પતેમાઃ ॥

શ્યેનં હવિર્ નયત્વ્ આ પરસ્માદ્
અન્યક્ષેત્રે અપરુદ્ધં ચરન્તમ્ ।
અશ્વિના પન્થાં કૃણુતાં સુગં તે
ગર્ભં સજાતા અભિ સં વિશધ્વમ્ ॥

શ્યેનં હવિઃ કશ્યપસ્યોપ શિક્ષ-
-ઇન્દ્રં વાતઃ પ્રહિતો દૂત આ વહ ।
વિષહ્ય શત્રૂન્ સેનાગ્રૈર્
વિશો વૃણાનો ઽવ ગચ્છ કામી ॥

યસ્ તે હવં પરિતિષ્ઠાત્
સજાત ઉત નિષ્ટિયઃ ।
અપાચ ઇન્દ્ર તાન્ નીત્વા-
-અથેમમ્ અવ ગમય ॥

હ્વયન્તુ ત્વા પઞ્ચ જનાઃ
પતિં મિત્રા અવૃષત ।
ઇન્દ્રાગ્ની વિશ્વે દેવા
વિશિ ક્ષેમમ્ અદીધરન્ ॥