પૈપ્પલાદ-સંહિતા · અધ્યાય 2.57
યદીદં દેવો દિવ આજગામ
યદ્ય્ અન્તરિક્ષાદ્ યદિ પાર્થિવો યઃ ।
યદિ યજ્ઞો યજ્ઞપતેઃ સ્વર્ગસ્
તેભ્યઃ સર્વેભ્યો નમસા વિધેમ ॥
યમ્ ઇન્દ્રમ્ આહુર્ વરુણં યમ્ આહુર્
યં મિત્રમ્ આહુર્ યમ્ ઉ સોમમ્ આહુઃ ।
યમ્ અગ્નિમ્ આહુર્ યમ્ ઉ સૂર્યમ્ આહુસ્
તેભ્યઃ સર્વેભ્યો નમસા વિધેમ ॥
યે શ્મશાનાનિ મનસા નયન્તિ
સૂર્યસ્ય રશ્મીન્ અનુસંચરન્તિ ।
યે દેવાનામ્ ઋત્વિજો યજ્ઞિયાનાં
તેભ્યઃ સર્વેભ્યો નમસા વિધેમ ॥
યે તન્દ્રિયા જલ્પ્યા પ્રોર્ણુવન્તિ
સ્વપ્નં દુર્ભૂતમ્ અભિ યે કિરન્તિ ।
યે દેવાનાં ધર્મધૃતો બભૂવુસ્
તેભ્યઃ સર્વેભ્યો નમસા વિધેમ ॥
સ્વભ્યસૈર્ અભિ યે ભાયન્તે
યે ભાઃ કૃણ્વન્તિ ય ઉ રોદયન્તિ ।
યે વા સ્ત્રીણાં પ્રતિરૂપા બભૂવુસ્
તેભ્યઃ સર્વેભ્યો નમસા વિધેમ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0