ગ્રંથ પાઠ

પૈપ્પલાદ-સંહિતા · અધ્યાય 2.3

2.3.1

ક્ષેત્રિયાત્ ત્વા નિરૃત્યા જામિશંસાદ્
દ્રુહો મુઞ્ચામિ વરુણસ્ય પાશાત્ ।
અનાગસં બ્રહ્મણા ત્વા કૃણોમિ
શિવે તે દ્યાવાપૃથિવી અભૂતામ્ ॥

2.3.2

શં તે અગ્નિઃ સહાદ્ભિર્ અસ્તુ
શં ગાવઃ સહૌષધીભિઃ ।
શમ્ અન્તરિક્ષં સહવાતમ્ અસ્તુ તે
શં તે ભવન્તુ પ્રદિશશ્ ચતસ્રઃ ॥

2.3.3

યા દેવીઃ પ્રદિશશ્ ચતસ્રો
વાતપત્નીર્ અભિ સૂર્યો વિચષ્ટે ।
તાસ્વ્ એતં જરસ આ દધામિ
પ્ર યક્ષ્મ એતુ નિરૃતિઃ પરાચૈઃ ॥

2.3.4

સૂર્યમ્ ઋતં તમસો ગ્રાહ્યા યથા
દેવા મુઞ્ચન્તો અસૃજન્ નિર્ એનસઃ ।
એવા ત્વા ક્ષેત્રિયાન્ નિરૃત્યા જામિશંસાદ્
દ્રુહો મુઞ્ચામિ વરુણસ્ય પાશાત્ ॥

2.3.5

અમોચિ યક્ષ્માદ્ દુરિતાદ્ અવદ્યાદ્
દ્રુહઃ પાશાદ્ ગ્રાહ્યાશ્ ચોદ્ અમોચિ ।
જહદ્ અવર્તિમ્ અવિદત્ સ્યોનામ્
અપ્ય્ અભૂદ્ ભદ્રે સુકૃતસ્ય લોકે ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0