ગ્રંથ પાઠ

પૈપ્પલાદ-સંહિતા · અધ્યાય 2.2

2.2.1

આવિદ્ય દ્યાવાપૃથિવી
આવિદ્ય ભગમ્ અશ્વિના ।
આવિદ્ય બ્રહ્મણસ્પતિં
કૃણોમ્ય્ અરસં વિષમ્ ॥

2.2.2

અરસં હેદ્ ઇદં વિષં
યથૈનદ્ અહમ્ આશિષમ્ ।
ઉતૈનદ્ અદ્યાત્ પુરુષો
ભવાદ્ ઇદ્ અગદઃ પુનઃ ॥

2.2.3

મા બિભેર્ ન મરિષ્યસિ
પરિ ત્વા પામિ વિશ્વતઃ ।
રસં વિષસ્ય નાવિદમ્
ઉદ્નઃ ફેનમ્ અદન્ન્ ઇવ ॥

2.2.4

અપાવોચદ્ અપવક્તા
પ્રથમો દૈવ્યો ભિષક્ ।
સમક્ષમ્ ઇન્દ્ર ગા ઇવ
યા વાચો વિષદૂષણીઃ ॥

2.2.5

યચ્ ચ પિષ્ટં યચ્ ચાપિષ્ટં
યદ્ દિગ્ધં યચ્ ચ દેહ્યમ્ ।
દેવાઃ સર્વસ્ય વિદ્વાંસો
ઽરસં કૃણુતા વિષમ્ ॥

મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0