પૈપ્પલાદ-સંહિતા · અધ્યાય 2.21

આ નો અગ્ને સુમતિં સમ્ભલો ગેદ્
ઇમાં કુમારીં સહ નો ભગેન ।
જુષ્ટા વરેષુ સમનેષુ વલ્ગુર્
ઓષં પત્યા ભવતુ સંભગેયમ્ ॥

ઇયમ્ અગ્ને નારી પતિં વિદેષ્ટ
સોમો હિ રાજા સુભગાં કૃણોતુ ।
સુવાના પુત્રાન્ મહિષી ભવાતિ
ગત્વા પતિં સુભગા વિ રાજાત્ ॥

સોમજુષ્ટો બ્રહ્મજુષ્ટો
અર્યમ્ણા સંભૃતો ભગઃ ।
ધાતુર્ દેવસ્ય સત્યેન
કૃણોમિ પતિવેદનમ્ ॥

યથાખરો મઘવંશ્ ચારુર્ એષ
પ્રિયો મૃગાણાં સુષદા બભૂવ ।
એવેયં જુષ્ટા ભગસ્યાસ્તુ
સંપ્રિયા પત્યાવિરાધયન્તી ॥

ભગસ્ય નાવમ્ આ રોહ
પૂર્ણામ્ અનુપદસ્વતીમ્ ।
તયોપ પ્ર યાહિ તં
યઃ પતિઃ પ્રતિકામ્યઃ ॥

ઇદં હિરણ્યં ગુલ્ગુલ્વ્
અયમ્ ઔક્ષો અથો ભગઃ ।
એતે પતિભ્યસ્ ત્વામ્ અદુઃ
પ્રતિકામાય વેત્તવે ॥