પૈપ્પલાદ-સંહિતા · અધ્યાય 19.46

ધ્રુવો ઽસિ ધરુણો ઽસ્તૃતો
વિશ્વકર્મણા સુધૃતઃ ।
મા ત્વા સમુદ્ર ઉદ્ વધીન્ મા સુપર્ણો
ઽવ્યથમાન ઇમં દૃંહ ॥

આષાઢો ઽસિ સહમાનઃ સહસ્વ-
-આરાતિં સહસ્વ પૃતનાયતઃ ।
સહસ્રવીર્યો ઽસિ સ ઇમં જિન્વ ॥

અદ્ભ્યઃ સંભૂતો ઽસિ પૃથિવ્યા રસાચ્ ચ
વિશ્વકર્મણઃ સમવર્તથા અધિ ।
તસ્ય ત્વષ્ટા વિદધદ્ એતિ રૂપં
વિદ્વાન્ તત્ તે દેવમ્ આજાનમ્ અગ્રે ॥

ષષ્ટિશ્ ચાધ્વર્યો નવતિશ્ ચ પાશા
હોતારમ્ અગ્નિમ્ અન્તરા વિચૃત્તાઃ ।
સિનન્તિ પાકમ્ અતિ ધીર એત્ય્
ઋતસ્ય પન્થામ્ અન્વ્ એતિ વિદ્વાન્ ॥

યો અધ્વર્યુઃ સપ્ત હોત્રાણિ વિદ્વાન્
પૂર્વો હોતુર્ યજત આજિઘર્તિ ।
ઊર્ધ્વં સ યજ્ઞમ્ અધ્વરં કૃણોતિ
ય ઈં ચિકેત હવિષો વિભાગે ॥

અત્રો વિભક્તરિ હવિષો વિભાગે
મા નિર્ ભાક્ષીદ્ ભાગિનં મોપહત્ય્ ।
મો અભાગો વિદિત યો મુમોહ ॥

વાત આ વાતુ ભેષજં
શમ્ભુ મયોભુ નો હૃદે ।
પ્ર ણ આયૂંષિ તારિષત્ ॥

ઉત વાત પિતાસિ ન
ઉત ભ્રાતોત નઃ સખા ।
સ નો જીવાતવે કૃધિ ॥

યદ્ અદો વાત તે ગૃહે
નિહિતં ભેષજં ગુહા ।
તસ્ય નો દેહિ જીવસે ॥

યો ન જીવો ઽસિ ન મૃતો
દેવાનામ્ અમૃતગર્ભો ઽસિ સ્વપ્ન ।
વરુણણી તે માતા યમઃ પિતા ॥

યથા કલાં યથા શફં
યથ ર્ણં સંનયન્તિ ।
એવાહ દુષ્વપ્ન્યં સર્વમ્
અપ્રિયે સં નયામસિ ॥

અરરુર્ નામાસિ તં ત્વા સ્વપ્ન તથા વિદ્મ
સ નઃ સ્વપ્ન સુસ્વપ્ન્યતાં ધેહિ ॥

નૈતસ્યાગ્રે હવિર્ અદન્તિ દેવા
નિર્ભક્ત એષ સુકૃતસ્ય લોકાત્ ।
પાપીં ધિયં જુજુષ આત્મનૈષ
સ હિ દુષ્કૃન્ મનુષ્યેષ્વ્ અન્તઃ ॥

યો માતૃહા પિતૃહા
સ્વસૃહા યે ચ દુષ્કૃતઃ ।
વિધિષૌ તે અમૃક્ષત
મલં મનુષ્યા ઇવ ॥

એતદ્ એવૈતં નિરર્ષુર્ દેવા
ભ્રૂણઘ્ન્યા લોકમ્ અપ્ય્ એત્ય્ એષઃ ।
ન તે ચૃત્યે હવિષા નાથિતસ્ય રાષ્ટ્રમ્
એતે શક્રા વિ ચૃતન્તિ પાશમ્ ॥