પૈપ્પલાદ-સંહિતા · અધ્યાય 18.82

યદ્ વો અગ્નિર્ અજહાદ્ એકમ્ અઙ્ગં
પિતૃલોકં ગમયં જાતવેદાઃ ।
તદ્ વ એતત્ પુનર્ આ વેશયામિ
સાઙ્ગાઃ સર્વે પિતરો માદયધ્વમ્ ॥

અસૌ હા ઇહ તે મનઃ ।
કપુત્સલમ્ ઇવ જામયો
ઽભ્ય્ એનં ભૂમ ઊર્ણૂહિ ॥

રમધ્વં મા બિભીતના
અસ્મિન્ ગોષ્ઠે કરીષિણઃ ।
ઊર્જં દધાનાઃ સકૃતઃ શચિવ્રતા
ગૃહા જીવન્ત ઉપ વઃ સદેમ ॥

ઊર્જં મે દેવા અદધુર્
ઊર્જં મનુષ્યા ઉત ।
ઊર્જં પિતૃભ્ય આહાર્ષમ્
ઊર્જસ્વન્તો ગૃહા મમ ॥

પયો મે દેવા અદધુઃ
પયો મનુષ્યા ઉત ।
પયઃ પિતૃભ્ય આહર્ષં
પયસ્વન્તો ગૃહા મમ ॥

ઉદ્ ઉત્તમં વરુણ પાશમ્ અસ્મદ્
અવાધમં વિ મધ્યમં શ્રથાય ।
અથાદિત્ય વ્રતે વયં તવ-
-અનાગસો ઽદિતયે સ્યામ ॥

યે તે શતં વરુણ યે સહસ્રં
યજ્ઞિયાઃ પાશા વિતતા મહાન્તઃ ।
તેભ્યો અસ્માન્ વરુણઃ સોમ ઇન્દ્રો
વિશ્વે મુઞ્ચન્તુ મરુતઃ સ્વર્કાઃ ॥

પ્રાસ્મત્ પાશાન્ વરુણ મુઞ્ચ સર્વાન્
યૈઃ સમમે બધ્યતે યૈર્ વ્યામે ।
અથ જીવેમ શરદઃ શતાનિ
ત્વાય રાજન્ ગુપિતો રક્ષમાણઃ ॥

અવ તે હેડ ઈમહે નમોભિર્
અવ યજ્ઞેભિર્ ઈમહે હવિર્ભિઃ ।
(…)યદ્ અસ્મદ્ વરુણ પ્રચેતો
રાજન્ન્ એનાંસિ શિશ્રથઃ કૃતાનિ ॥

ચન્દ્રમા અપ્સ્વ્ અન્તર્ આ
સુપર્ણો ધાવતે દિવિ ।
ન વો હિરણ્યનેમયઃ
પદં વિન્દન્તિ વિદ્યુતો
વિત્તં મે અસ્ય રોદસી ॥