પૈપ્પલાદ-સંહિતા · અધ્યાય 18.59

અધ ત્યં દ્રપ્સં વિભવં વિચક્ષણં
દ્વિર્ આભરદ્ વિષિતઃ શ્યેનો અધ્વરે ।
યદિ વિશો વૃણતે દસ્મમ્ આર્યા
અગ્નિં હોતારમ્ અધ ધીર્ અજાયત ॥

સદાસિ રણ્વો યવસેવ પુષ્યતે
હોત્રાભિર્ અગ્ને મનુષઃ સ્વધ્વરઃ ।
વિપ્રસ્ય વા યચ્ છશમાન ઉક્થ્યં
વાજં શસ્યવાઁ ઉપયાહિ ભૂરિભિઃ ॥

ઉદ્ ઈરય પિતરા જાર આભિશમ્
ઇયક્ષતિ હર્યતો હૃત્ત ઇષ્યતિ ।
વિવક્તિ વહ્નિઃ સ્વપસ્યતે મખસ્
તવિષ્યતે અસુરો વેપતે મતીન્ ॥

યસ્ તે અગ્ને સુમતિં મર્ત્યો અક્ષત
સહસઃ સૂનો ઽતિ સ પ્ર શૃણ્વે ।
ઇષં દધાનો વહમાનો અશ્વૈર્
આ સ દ્યુમાઁ અમવાન્ ભૂષતિ દ્યૂન્ ॥

શ્રુધી નો અગ્ને સદને સધસ્થે
યુક્ષ્યુ રથમ્ અમૃતસ્ય દ્રવિત્નુમ્ ।
આ નો વહ રોદસી વેદપુત્રે
માકિર્ દેવાનામ્ અપ ભૂર્ ઇહ સ્યાઃ ॥

યદ્ અગ્ન એષા સમિતિર્ ભવાતિ
દેવી દેવેષુ યજતા યજત્ર ।
રત્ના ચ યદ્ વિ ભજાસિ સ્વધાવો
ભાગં નો અત્ર વસુમન્તં વીતાત્ ॥

પ્રત્ય્ અગ્નિર્ ઉષસામ્ અગ્રમ્ અખ્યત્
પ્રત્ય્ અહાનિ પ્રથમો જાતવેદાઃ ।
પ્રતિ સૂર્યસ્ય પુરુત્રા ચ રશ્મીન્
પ્રતિ દ્યાવાપૃથિવી આ તતાન ॥

અન્વ્ અગ્નિર્ ઉષસામ્ અગ્રમ્ અખ્યદ્
અન્વ્ અહાનિ પ્રથમો જાતવેદાઃ ।
અનુ સૂર્યસ્ય પુરુત્રા ચ રશ્મીન્
અનુ દ્યાવાપૃથિવી આ તતાન ॥

દ્યાવા હ ક્ષામા પ્રથમે ઋતેન-
-અભિસ્રાવે ભવતઃ પ્રત્યવાચાઃ ।
દેવો યન્ મર્તાન્ યતથાય કૃણ્વન્
સીદદ્ ધોતા પ્રત્યઙ્ સ્વમ્ અસૂન્ ॥

દેવો દેવાન્ પરિભૂર્ ઋતેન
વહા નો હવ્યં પ્રથમશ્ ચિકિત્વાન્ ।
ધૂમકેતુઃ સમિધા ભાઋજીકો
મન્દ્રો હોતા નિત્યો વાચા યજીયાન્ ॥