પૈપ્પલાદ-સંહિતા · અધ્યાય 18.41

યત્ પ્રાચીં દિશમ્ અનુવ્યચલદ્
ઇન્દ્રો ભૂત્વાનુ વ્ય્ અચલન્ મનો ઽન્નાદં કૃત્વા ।
મનસાન્નાદેનાન્નમ્ અત્તિ યઃ (એવં વેદ) ॥

યદ્ દક્ષિણાં દિશમ્ અનુ વ્યચલન્
મારુતં શર્ધો ભૂત્વાનુ વ્ય્ અચલન્ મન્યુમ્ અન્નાદં કૃત્વા ।
મન્યુનાન્નાદેનાન્નમ્ (અત્તિ ય એવં વેદ) ॥

યત્ પ્રતીચીં દિશમ્ અનુ વ્યચલદ્
વરુણો ભૂત્વાનુ વ્ય્ અચલદ્ અપો ઽન્નાદીઃ કૃત્વા ।
અદ્ભિર્ અન્નાદીભિર્ અન્નમ્ (અત્તિ ય એવં વેદ) ॥

યદ્ ઉદીચીં દિશમ્ અનુ વ્યચલત્
સોમો રાજા સપ્તઋષિભિર્ ભૂત્વાનુ વ્ય્ અચલદ્ આહુતિમ્ અન્નાદીં કૃત્વા ।
આહુત્યાન્નાદ્યાન્નમ્ (અત્તિ ય એવં વેદ) ॥

યદ્ ધ્રુવાં દિશમ્ અનુવ્યચલદ્
વિષ્ણુર્ ભૂત્વાનુ વ્ય્ અચલદ્ વિરાજમ્ અન્નાદીં કૃત્વા ।
વિરાજાન્નાદ્યાન્નં (અત્તિ ય એવં વેદ) ॥

યદ્ ઊર્ધ્વં દિશમ્ અનુ વ્યચલદ્
બૃહસ્પતિર્ ભૂત્વાનુ વ્ય્ અચલદ્ વષટ્કારમ્ અન્નાદં કૃત્વા ।
વષટ્કારેણાન્નાદેનાન્નં (અત્તિ ય એવં વેદ) ॥

યત્ પશૂન્ અનુવ્યચલદ્
રુદ્રો ભૂત્વાનુ વ્ય્ અચલદ્ ઓષધીર્ અન્નાદીઃ કૃત્વા ।
ઓષધીભિર્ અન્નાદીભિર્ અન્નં (અત્તિ ય એવં વેદ) ॥

યદ્ દેવાન્ અનુવ્યચલદ્
ઈશાનો ભૂત્વાનુ વ્ય્ અચલદ્ બલમ્ અન્નાદં કૃત્વા ।
બલેનાન્નાદેનાન્નં (અત્તિ ય એવં વેદ) ॥

યન્ મનુષ્યાન્ અનુવ્યચલદ્
અગ્નિર્ ભૂત્વાનુ વ્ય્ અચલત્ સ્વાહાકારમ્ અન્નાદં કૃત્વા ।
સ્વાહાકારેણાન્નાદેન (અન્નમ્ અત્તિ ય એવં વેદ) ॥

યત્ પિતૄન્ અનુવ્યચલદ્
યમો ભૂત્વાનુ વ્ય્ અચલત્ સ્વધાકારમ્ અન્નાદં કૃત્વા ।
સ્વધાકારેણાન્નાદેન (અન્નમ્ અત્તિ ય એવં વેદ) ॥

યત્ પ્રજા અનુવ્યચલત્
પ્રજાપતિર્ ભૂત્વાનુ વ્ય્ અચલત્ પ્રાણમ્ અન્નાદં કૃત્વા ।
પ્રાણેનાન્નાદેન (અન્નમ્ અત્તિ ય એવં વેદ) ॥

યદ્ અન્તર્દેશાન્ અનુવ્યચલદ્
વાયુર્ ભૂત્વાનુ વ્ય્ અચલદ્ વાતમ્ અન્નાદં કૃત્વા ।
વાતેનાન્નાદેન (અન્નમ્ અત્તિ ય એવં વેદ) ॥

યદ્ દિશો ઽનુવ્યચલત્
પરમેષ્ઠી ભૂત્વાનુ વ્ય્ અચલદ્ બ્રહ્માન્નાદં કૃત્વા ।
બ્રહ્મણાન્નાદેનાન્નમ્ અત્તિ ય એવં વેદ ॥