પૈપ્પલાદ-સંહિતા · અધ્યાય 18.22
અપ ત્યે તાયવો યથા
નક્ષત્રા યન્ત્ય્ અક્તુભિઃ ।
સૂરાય વિશ્વચક્ષસે ॥
અદૃશ્રમ્ અસ્ય કેતવો
વિ રશ્મયો જનાઁ અનુ ।
ભ્રાજન્તો અગ્નયો યથા ॥
તરણિર્ વિશ્વદર્શતો
જ્યોતિષ્કૃદ્ અસિ સૂર્ય ।
વિશ્વમ્ આ ભાસિ રોચનઃ ॥
પ્રત્યઙ્ દેવાનાં વિશઃ
પ્રત્યઙ્ઙ્ ઉદ્ એષિ માનુષીઃ ।
પ્રત્યઙ્ વિશ્વં સ્વર્ દૃશે ॥
યેના પાવક ચક્ષુષા
ભુરણ્યન્તં જનાઁ અનુ ।
ત્વં વરુણ પશ્યસિ ॥
વિ દ્યામ્ એષિ રજસ્ પૃથ્વ્
અહર્ મિમાનો અક્તુભિઃ ।
પશ્યન્ જન્માનિ સૂર્ય ॥
સપ્ત ત્વા હરિતો રથે
વહન્તિ દેવ સૂર્ય ।
શોચિષ્કેશં વિચક્ષણમ્ ॥
અયુક્ત સપ્ત શુન્ધ્યુવઃ
સૂરો રથસ્ય નપ્ત્યઃ ।
તભિર્ યાતિ સ્વયુક્તિભિઃ ॥
અભિ મા વર્ચસા ગિરઃ
સિઞ્ચન્તીર્ આ ચરણ્યથ ।
અભિ વત્સં ન ધેનવઃ ॥
તા અર્ષન્તિ શુભ્રિયઃ
પૃઞ્ચતીર્ વર્ચસા પ્રિયઃ ।
જાતં જાત્રીર્ યથા હૃદા ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0