પૈપ્પલાદ-સંહિતા · અધ્યાય 18.16

ઊર્ધ્વો રોહિતો અધિ નાકે અસ્થાદ્
વિશ્વા રૂપાણિ જનયન્ યુવા કવિઃ ।
તિગ્મેનાગ્નિર્ જ્યોતિષા વિ ભાતિ
તૃતીયે ચક્રે રજસિ પ્રિયાણિ ॥

સહસ્રશૃઙ્ગો વૃષભો જાતવેદા
ઘૃતાહુતઃ સોમપૃષ્ઠઃ સુવીરઃ ।
મા મા હાસીન્ નાથિતો નેત્ ત્વા જહાનિ
ગોપોષં ચ મે વીરપોષં ચ ધેહિ ॥

રોહિતો યજ્ઞસ્ય જનિતા મુખં ચ
રોહિતાય વાચા શ્રોત્રેણ મનસા જુહોમિ ।
રોહિતં દેવા યન્તિ સુમનસ્યમાનાઃ
સ મા રોહૈઃ સામિત્યૈ રોહયાતિ ॥

રોહિતો યજ્ઞં વ્ય્ અદધાદ્ વિશ્વકર્મણે
તસ્માત્ તેજાંસ્ય્ ઉપ મેમાન્ય્ આગુઃ ।
વોચયં તે નાભિં ભુવનસ્યાધિ મજ્મનિ ॥

આ ત્વા રુરોહ બૃહત્ય્ ઉત પઙ્ક્તિર્
આ કકુદ્ વર્ચસા વિશ્વવેદઃ ।
આ ત્વા રુરોહોષ્ણિહાક્ષરં વષટ્કાર
આ ત્વા રુરોહ રોહિતો રેતસા સહ ॥

અયં વસ્તે ગર્ભં પૃથિવ્યા
દિવં વસ્તે ઽયમ્ અન્તરિક્ષમ્ ।
અયં બ્રધ્નસ્ય વિષ્ટપઃ
સ્વર્ લોકાન્ સમ્ આનશે ॥

વાચસ્પતે પૃથિવી નઃ સ્યોના
સ્યોના યોનિસ્ તલ્પા સુશેવા ।
ઇહૈવ પ્રાણઃ સક્યે નો અસ્તુ
તં ત્વા પરમેષ્ઠિન્ પર્ય્ અગ્નિર્ વર્ચસા દધાતુ ॥

વાચસ્પત ઋતવઃ પઞ્ચ
વૈશ્વકર્મણાઃ પરિ યે બભૂવુઃ ।
(…)
(…) પરિ રોહિતો વર્ચસા દધાતુ ॥

વાચસ્પતે સૌમનસં મનશ્ ચ
ગોષ્ઠે નો ગા રમય યોનિષુ પ્રજામ્ ।
ઇહૈવ પ્રાણઃ સખ્યે નો અસ્તુ
તં ત્વા પરમેષ્ઠિન્ પર્ય્ અહં વર્ચસા દધામિ ॥

પરિ ત્વા ધાત્ સવિતા દેવો અગ્નિર્
વર્ચસા મિત્રાવરુણાવ્ અભિ ત્વા ।
સર્વા અરાતીર્ અપક્રામન્ન્ ઉદેહિ-
-ઇદં રાષ્ટ્રં કૃણુહિ સૂનૃતાવત્ ॥