પૈપ્પલાદ-સંહિતા · અધ્યાય 17.6

દ્યૌશ્ ચ મ ઇદં પૃથિવી ચ-
-અન્તરિક્ષં ચ મે વ્યચઃ ।
અગ્નિઃ સૂર્ય આપો મેધાં
વિશ્વે દેવાશ્ ચ સં દધુઃ ॥

અહમ્ અસ્મિ સહમાન
ઉત્તરો નામ ભૂમ્યામ્ ।
અભિસાડ્ અસ્મિ વિશ્વાષાડ્
આશામાશાં વિષાસહિઃ ॥

યદ્ અદો દેવિ પ્રથમાના પુરસ્તાદ્
દેવૈઃ સૃષ્ટા વ્યસર્પો મહિત્વમ્ ।
આ ત્વા સુભૂતમ્ અવિશત્ તદાનીમ્
અકલ્પયથાઃ પ્રદિશશ્ ચતસ્રઃ ॥

યે ગ્રામા યાન્ય્ અરણ્યાનિ
યાઃ સભા અધિ ભૂમ્યામ્ ।
તેષ્વ્ અહં દેવિ પૃથિવ્ય્
ઉદ્યાસં મધુમદ્ વચઃ ॥

યદ્ વદાનિ મધુમત્ તદ્ વદાનિ
યદ્ ઈક્ષે ષુતદ્યઃ પુનન્તુ મા ।
ત્વિષીમાન્ અસ્મિ જૂતિમાન્ યાન્ હન્મિ દોધતઃ ॥

અશ્વ ઇવ રજો દુદુહે વિ તં જનં
ય આક્ષિયન્ પૃથિવીમ્ આદ્ અજાયત ।
મદ્રા પરિ ભુવનસ્ય ગોપા
વનસ્પતીનાં ગૃભિર્ ઓષધીનામ્ ॥

શન્તિવા સુરભિઃ સ્યોના
કીલાલોધ્ની પયસ્વતી ।
ભૂમિર્ નો અધિ બ્રવીતુ
પૃથિવી પયસા સહ ॥

ભૂમિ માતર્ નિ ધેહિ મા
ભદ્રયા સુપ્રતિષ્ઠિતમ્ ।
સંવિદાના દિવા ત્વં
શ્રિયાં મા ધેહિ ભૂત્યામ્ ॥

યામ્ અન્વૈચ્છદ્ ધવિષા વિશ્વકર્મા
યસ્યામ્ આસન્ન્ અગ્નયો ઽપ્સ્વ્ અન્તઃ ।
ભુજિષ્યં પાત્રં નિહિતં ગુહા-
-આસીદ્ આવિર્ ભોગૈર્ અભવન્ માતૃમદ્ભિઃ ॥

ત્વમ્ અસ્ય્ આવપની જનાનામ્
અદિતિઃ કામદુઘા વિશ્વરૂપા ।
યત્ ત ઊનં તત્ ત આ પૂરયાતિ
પ્રજાપતિઃ પ્રજાભિઃ સંવિદાનઃ ॥