પૈપ્પલાદ-સંહિતા · અધ્યાય 17.47

ઇમા નારીર્ અવિધવાઃ સુપત્નીર્
આઞ્જનેન સર્પિષા સં વિશન્તુ ।
અનશ્રવો અનમીવાઃ સુરત્ના
આ રોહન્તુ જનયો યોનિમ્ અગ્રે ॥

ઇમે વીરા અવિધવાઃ સુજાનય
આઞ્જનેન સર્પિષા સં સ્પૃશન્તામ્ ।
અનશ્રવો અનમીવાઃ સુરત્નાઃ
સ્યોનાદ્ યોનેર્ અધિ તલ્પં રુહેયુઃ ॥

વ્યાકરોમિ હવિષાહમ્ એતૌ
તૌ બ્રહ્મણા વ્ય્ અહં કલ્પયામિ ।
સ્વધાં પિતૃભ્યો અજરાં કૃણોમિ
દીર્ઘેનાયુષા સમ્ ઇમાં સૃજામિ ॥

યો નો અગ્નિઃ પિતરો હૃત્સ્વ્ અન્તર્
આવિવેશામૃતો મર્ત્યેષુ ।
મય્ય્ અહં તં પરિ ગૃહ્ણામિ દેવં
મા સો અસ્માન્ દ્વિક્ષત મા વયં તમ્ ॥

અપાવર્ત્યાગ્નિં ગાર્હપત્યં
ક્રવ્યાદા પ્રેત દક્ષિણા ।
પ્રિયં પિતૃભ્ય આત્મને
બ્રહ્મણે કૃણુત પ્રિયમ્ ॥

દ્વિભાગધનમ્ આદાય
પ્ર ક્ષિનાત્ય્ અવર્ત્યા ।
અગ્નિઃ પુત્રસ્ય જ્યેષ્ઠસ્ય
યઃ ક્રવ્યાદ્ અનિરાહિતઃ ॥

યત્ કૃષતે યદ્ વનુતે
યચ્ ચ વસ્તેન વિન્દતે ।
સર્વં મર્ત્યસ્ય તન્ નાસ્તિ
ક્રવ્યાચ્ ચેદ્ અનિરાહિતઃ ॥

અયજ્ઞિયો હતવર્ચા ભવતિ
નૈનેન હવિર્ અત્તવે ।
છિનત્તિ કૃષિં ગાં ધનં
યઃ ક્રવ્યાદ્ અનુવર્તતે ॥

બહુ ગૃધ્યૈઃ પ્ર વદત્ય્
આર્તિં મર્ત્યો ન્ય્ એતિ ચ ।
ક્રવ્યાદ્ યમ્ અગ્નિર્ અન્તિકાદ્
અનુવિદ્વાન્ વિતાવતિ ॥

ગ્રાહ્યા ગૃહાઃ સં સૃજ્યન્તે
યત્ સ્ત્રિયા મ્રિયતે પતિઃ ।
બ્રહ્મૈવ વિદ્વાન્ એષ્યો
યઃ ક્રવ્યાદં નિર્ આદધત્ ॥