પૈપ્પલાદ-સંહિતા · અધ્યાય 16.9

ઇન્દ્રાસોમા તપતં રક્ષ ઉબ્જતં
ન્ય્ અર્પયતં વૃષણા તમોવૃધઃ ।
પરા શૃણીહિ તમ્ અચિતો ન્ય્ ઓષતં
હતં નુદેથાં નિ શિશીતમ્ અત્રિણઃ ॥

ઇન્દ્રાસોમા સમ્ અઘશંસમ્ અભ્ય્ અઘં
તપુર્ યયસ્તુ ચરુર્ અગ્નિવાઁ ઇવ ।
બ્રહ્મદ્વિષે ક્રવ્યાદે ઘોરચક્ષસે
દ્વેષો ધત્તમ્ અનવાયં કિમીદિને ॥

ઇન્દ્રાસોમા દુષ્કૃતો વવ્રે અન્તર્
અનારમ્ભણે તમસિ પ્ર વિધ્યતમ્ ।
યથૈષાં નાતઃ પુનર્ એકશ્ ચનોદયત્
તદ્ વામ્ અસ્તુ સહસે મન્યુમચ્ છવઃ ॥

ઇન્દ્રાસોમા વર્તયતં દિવસ્ પર્ય્
અગ્નિતપ્તેભિર્ યુવમ્ અશ્મહન્મભિઃ ।
તપુર્વધેભિર્ અજરેભિર્ અત્રિણો
નિ પર્શાને વિધ્યતં યન્તુ નિસ્વરમ્ ॥

ઇન્દ્રાસોમા પ્ર હરતં દિવો વધં
સં પૃથિવ્યા અઘશંસાય તર્હણમ્ ।
ઉત્ તક્ષતં સ્વર્યં પર્વતેભ્યો
યેન રક્ષો વવૃધાનં નિજૂર્વથઃ ॥

ઇન્દ્રાસોમા પરિ વાં ભૂતુ વિશ્વત
ઇયં મતિઃ કક્ષ્યાશ્વેવ વાજિના ।
યાં વાં હોત્રાં પરિ હિણોમિ મેધયા-
-ઇમા બ્રહ્માણિ નૃપતીવ જિન્વતમ્ ॥

પ્રતિ સ્મરેથાં તુજયદ્ભિર્ એવૈર્
હતં દ્રુહો રક્ષસો ભઙ્ગુરાવતઃ ।
ઇન્દ્રાસોમા દુષ્કૃતે મા સુગં ભૂદ્
યો મા કદા ચિદ્ અભિદાસતિ દ્રુહુઃ ॥

યો મા પાકેન મનસા ચરન્તમ્
અભિચષ્ટે અનૃતેભિર્ વચોભિઃ ।
આપ ઇવ કાશિના સંગૃભીતા
અસન્ન્ અસ્ત્વ્ અસત ઇન્દ્ર વક્તા ॥

યે પાકશંસં વિહરન્ત એવૈર્
યે વા ભદ્રં દૂષયન્તિ સ્વધાભિઃ ।
અહયે વા તાન્ પ્રદદાતુ સોમ
આ વા દધાતુ નિરૃતેર્ ઉપસ્થે ॥

યો નો રસં દિપ્સતિ પિત્વો અગ્ને
યો અશ્વાનાં યો ગવાં યસ્ તનૂનામ્ ।
રિપુ સ્તેન સ્તેયકૃદ્ દભ્રમ્ એતુ
નિ ષ હીયતાં તન્વા તના ચ ॥