પૈપ્પલાદ-સંહિતા · અધ્યાય 16.10

પરઃ સો અસ્તુ તન્વા તના ચ
તિસ્રઃ પૃથિવીર્ અધો અસ્તુ વિશ્વાઃ ।
પ્રતિ શુષ્યતિ યશો અસ્ય દેવા
યો મા દિવા દિપ્સતિ યશ્ ચ નક્તમ્ ॥

સુવિજ્ઞાનં ચિકિતુષે જનાય
સચ્ ચાસચ્ ચ વચસી પસ્પૃશાતે ।
તયોર્ યત્ સત્યં યતરદ્ ઋજીયસ્
તદ્ ઇત્ સોમો ઽવતિ હન્ત્ય્ આસત્ ॥

ન વા ઉ સોમો વૃજિનં હિનોતિ
ન ક્ષત્રિયં મિથુયા ધારયન્તમ્ ।
હન્તિ રક્ષો હન્ત્ય્ આસદ્ વદન્તમ્
ઉભાવ્ ઇન્દ્રસ્ય પ્રસિતૌ શયાતે ॥

યદિ વાહમ્ અનૃતદેવો અસ્મિ
મોઘં વા દેવાઁ અપ્યૂહે અગ્ને ।
કિમ્ અસ્મભ્યં જાતવેદો હૃણીષે
દ્રોઘવાચસ્ તે નિરૃથં સચન્તામ્ ॥

અદ્યા મુરીય યદિ યાતુધાનો અસ્મિ
યદિ વાયુસ્ તતપ પૂરુષસ્ય ।
અધા સ વીરૈર્ દશભિર્ વિ યૂયા
યો મા મોઘં યાતુધાનેત્ય્ અહ ॥

યો માયાતું યાતુધાનેત્ય્ આહ
યો મા રક્ષાઃ શુચિર્ અસ્મીત્ય્ આહ ।
ઇન્દ્રસ્ તં હન્તુ મહતા વધેન
વિશ્વસ્ય જન્તોર્ અધમસ્ પદીષ્ટ ॥

પ્ર યા જિગાતિ ખર્ગલેવ નક્તમ્
અપ દ્રુહુસ્ તન્વં ગૂહમાના ।
વવ્રાઁ અનન્તાઁ અવ સા પદીષ્ટ
ગ્રાવાણો ઘ્નન્તુ રક્ષસ ઉપબ્દૈઃ ॥

વિ તિષ્ઠધ્વં મરુતો વિક્ષ્વ્ ઇચ્છત
ગૃભાયત રક્ષસઃ સં પિનષ્ટન ।
વયો યે ભૂત્વા પતયન્તિ નક્તભિર્
યે વા રિપો દધિરે દેવે અધ્વરે ॥

એત ઉ ત્યે પતયન્તિ શ્વયાતવ
ઇન્દ્રં દિપ્સન્તિ દિપ્સવો ઽદાભ્યમ્ ।
શિશીતે શક્રઃ પિશુનેભ્યો વધં
નૂનં સૃજદ્ અશનિં યાતુમદ્ભ્યઃ ॥

પ્ર વર્તય દિવો અશ્માનમ્
ઇન્દ્ર સોમશિતં મઘવન્ સં શિશાધિ ।
પ્રાક્તો અપાક્તો અધરાદ્ ઉદક્તો
અભિ જહિ રક્ષસઃ પર્વતેન ॥