પૈપ્પલાદ-સંહિતા · અધ્યાય 16.8

તદ્ અગ્ને ચક્ષુઃ પ્રતિ ધેહિ
રેભે શફારુજં યેન પશ્યસિ યાતુધાનમ્ ।
અથર્વવજ્ જ્યોતિષા દૈવ્યેન [ભત્ત્. અથર્વવ(જ્)
સત્યં ધૂર્વન્તમ્ અચિતં ન્ય્ ઓષ ॥

પરિ ત્વાગ્ને પુરં વયં
વિપ્રં સહસ્ય ધીમહિ ।
ધૃષદ્વર્ણં દિવેદિવે
હન્તારં ભઙ્ગુરાવતામ્ ॥

વિ જ્યોતિષા બૃહતા ભાત્ય્ અગ્નિર્
આવિર્ વિશ્વાનિ કૃણુતે મહિત્વા ।
પ્રાદેવીર્ માયાઃ સહતે દુરેવાઃ
શિશીતે શૃઙ્ગે રક્ષસે વિનિક્ષે ॥

અગ્ની રક્ષાંસિ સેધતિ
શુક્રશોચિર્ અમર્ત્યઃ ।
શુચિઃ પાવક ઈડ્યઃ ॥

અગ્ને રક્ષા ણો અંહસઃ
પ્રતિ ષ્મ દેવ રીષતઃ ।
તપિષ્ઠૈર્ અજરો દહ ॥

યે તે શૃઙ્ગે અજરે જાતવેદસ્
તિગ્મશોચી બ્રહ્મસંશિતે ।
તાભ્યાં દુર્હાર્દમ્ અભિદાસન્તં કિમીદિનં
પ્રત્યઞ્ચં યાતુધાનં જાતવેદો વિ નિક્ષ્વ ॥

વિષેણ ભઙ્ગુરાવતઃ
સમ્ ઇન્દ્ર રક્ષસો દહ ।
અગ્ને શુક્રેણ શોચિષા
તપુરગ્રેભિર્ અર્ચિભિઃ ॥

પ્રત્ય્ અગ્ને મિથુના દહ
યાતુધાના કિમીદિના ।
સં ત્વા શિશામિ જાગૃહ્ય્
અદબ્ધં વિપ્ર મન્મભિઃ ॥

પ્રત્ય્ અગ્ને હરસા હરઃ
શૃણીહિ વિશ્વતઃ પ્રતિ ।
યાતુધાનસ્ય રક્ષસો
બલં વિ રુજ વીર્યમ્ ॥

સાદાન્વેયં પ્ર મૃણ રક્ષ ઇન્દ્ર
યાતુધાનક્ષયણૈર્ મૂરૈઃ ।
એતાવ્ અગ્ને મિથુના યાતુધાના
વિષ્વઞ્ચૌ મ્રુક્તૌ હરસા શયાતામ્ ॥

બૃહસ્પતિર્ નઃ પરિ પાતુ પશ્ચાદ્
ઉતોત્તરસ્માદ્ અધરાદ્ અઘાયોઃ ।
ઇન્દ્રઃ પુરસ્તાદ્ ઉત મધ્યતો નઃ
સખા સખિભ્યો વરીયઃ કૃણોતુ ॥