પૈપ્પલાદ-સંહિતા · અધ્યાય 16.83

ચતૂરાત્રઃ પઞ્ચરાત્રઃ
ષડ્રાત્રશ્ ચોભયઃ સહ ।
ષોડશી સપ્તરાત્રશ્ ચ-
- ઉચ્છિષ્ટાજ્ જજ્ઞિરે સર્વે
યે યજ્ઞા અમૃતે હિતાઃ ॥

પ્રતિહારો નિધનં
વિશ્વજિચ્ ચાભિજિચ્ ચ યઃ ।
સાહ્નાતિરાત્રા ઉચ્છિષ્ટે
દ્વાદશાહો ઽપિ તન્ મયિ ॥

સૂનૃતા સંનતિઃ ક્ષેમઃ
સ્વધોર્જામૃતં સહઃ ।
ઉચ્છિષ્ટે સર્વે પ્રત્યઞ્ચઃ
કામાઃ કામેન તૃપ્યન્તુ ॥

નવ ભૂમીઃ સમુદ્રાશ્ ચ-
-ઉચ્છિષ્ટે ઽધિ શ્રિતા દિવઃ ।
આ સૂર્યો ભાત્ય્ ઉચ્છિષ્ટે
અહોરાત્રે ચ તન્ મયિ ॥

ઉપહવ્યં વિષૂવન્તં
યે ચ યજ્ઞા ગુહા હિતાઃ ।
બિભર્તિ ભર્તા વિશ્વસ્ય-
-ઉચ્છિષ્ટો જનિતુઃ પિતા ॥

પિતા જનિતુર્ ઉચ્છિષ્ટો
અસોઃ પૌત્રઃ પિતામહઃ ।
સ ખ્યેતિ વિશ્વસ્યેશાનો
વૃષા ભૂમ્યામ્ અતિઘ્ન્યઃ ॥

ઋતં સત્યં તપો દીક્ષા
શ્રમો ધર્મશ્ ચ કર્મ ચ ।
ભૂતં ભવિષ્યદ્ ઉચ્છિષ્ટે
વીર્યં લક્ષ્મીર્ બલં બલે ॥

સમૃદ્ધિર્ ઓજ આકુતિઃ
ક્ષત્રં રાષ્ટ્રં ષડ્ ઉર્વ્યઃ ।
સંવત્સરો ઽધ્ય્ ઉચ્છિષ્ટ
ઇડા પ્રૈષા ગ્રહા હવિઃ ॥

ચતુર્હોતાર આપ્રિયશ્
ચતુર્માસ્યાનિ નિવિદઃ ।
ઉચ્છિષ્ટે યજ્ઞા હોત્રાશ્ ચ
પશુબન્ધાસ્ તદ્ ઇષ્ટયઃ ॥

અર્ધમાસાશ્ ચ માસાશ્ ચ-
-આર્તવ ઋતુભિઃ સહ ।
ઉચ્છિષ્ટે ઘોષિણીર્ આપઃ
સ્તનયિત્નુઃ શ્રુતિર્ મહી ॥