પૈપ્પલાદ-સંહિતા · અધ્યાય 16.76

સપત્નહનમ્ ઋષભં ઘૃતેન
કામં શિક્ષામિ હવિષાજ્યેન ।
નીચૈઃ સપત્નાન્ મમ પાદય
ત્વમ્ અભિષ્ટુતો મહતા વીર્યેણ ॥

યન્ મે મનસો ન પ્રિયં ન ચક્ષુષો
યન્ મે હૃદયે નાભિનન્દતિ ।
તદ્ દુષ્વપ્ન્યં પ્રતિ મુઞ્ચામિ સપત્ને
કામં તુષ્ટુવાન્ ઉદ્ અહં ભિદેયમ્ ॥

દુષ્વપ્ન્યં કામ દુરિતં ચ કામ-
-અપ્રજસ્તામ્ અસ્વકૃતામ્ અવર્તિમ્ ।
ઉગ્ર ઈશાનઃ પ્રતિ મુઞ્ચ તસ્મિન્
યો અસ્મભ્યમ્ અંહૂરણા ચિકિત્સાત્ ॥

સા તે કામ દુહિતા ધેનુર્ ઉચ્યતે
યામ્ આહુર્ વાચં કવયો વિરાજમ્ ।
તયા સપત્નાન્ પરિ વૃઙ્ધિ યે મમ
પર્ય્ એનાન્ પ્રાણઃ પ્રજાઃ પશવો જીવનં વૃણક્તુ ॥

કામસ્યેન્દ્રસ્ય વરુણસ્ય રાજ્ઞો
વિષ્ણોર્ બલેન સવિતુઃ સવેન ।
અગ્નેર્ હોત્રેણ પ્ર ણુદ સપત્નાન્
શમ્બીવ નાવમ્ ઉદકેષુ ધીરઃ ॥

અધ્યક્ષો વાજી મમ કામ ઉગ્રઃ
કૃણોતુ મહ્યમ્ અસપત્નમ્ એવ ।
વિશ્વે દેવા મમ નાથં ભવન્તુ
સર્વે દેવા હવમ્ આ યન્તુ મ ઇમમ્ ॥

ઇદમ્ આજ્યં ઘૃતવજ્ જુષાણાઃ
કામજ્યેષ્ઠા ઇહ માદયન્તામ્ ।
કૃણ્વન્તુ મહ્યમ્ અસપત્નમ્ એવ ॥

ઇન્દ્રાગ્ની કામ સરથં હિ ભૂત્વા
નીચૈઃ સપત્નાન્ મમ પાદયાથ ।
તેષાં પન્નાનામ્ અધમા તમાંસ્ય્
અગ્ને વાસ્તૂન્ય્ અનુનિર્દહા ત્વમ્ ॥

જહિ ત્વં કામ મમ યે સપત્ના
અન્ધા તમાંસ્ય્ અવ પાદયૈનાન્ ।
અનિન્દ્રિયા અરસાઃ સન્તુ સર્વે
યથા ન જિવાત્ કતમચ્ ચનૈષામ્ ॥

અવધીત્ કામો મમ યે સપત્ના
ઉરું લોકમ્ અકરન્ મહ્યમ્ એધતુમ્ ।
મહ્યં નમન્તાં પ્રદિશશ્ ચતસ્રો
મહ્યં ષડ્ ઉર્વીર્ ઘૃતમ્ આ વહન્તુ ॥