પૈપ્પલાદ-સંહિતા · અધ્યાય 16.72

ઇદાવત્સરં ચ પરિવત્સરં ચ
બ્રધ્નસ્ય વિષ્ટપિ પરમે વ્યોમન્ ।
નાકેન નાકમ્ અભિ સં ભવૌદન ॥

સાધ્યા નયન્તુ મુખતો મમૈતમ્
આદિત્યા રુદ્રા વસવઃ સચેતસઃ ।
વિશ્વે દેવા ઋતુભિઃ સંવિદાના
ઇમં રક્ષન્તુ સદમ્ અપ્રમાદમ્ ॥

ઇદાવત્સરં ચ પરિવત્સરં ચ
સંવત્સરમ્ અહોરાત્રાણિ માસઃ ।
સૂર્યસ્યાગ્નેશ્ ચન્દ્રમસો ઽનુભૂતિં
વાતસ્યાભૂતિમ્ અન્વ્ આભવૌદન ॥

યમ્ ઈડતે પિતરો યં ચ દેવાઃ
પુરોહિતં તપસા બ્રહ્મણા ચ ।
સ્વધામ્ ઊર્જમ્ અક્ષિતિમ્ આ જુહોમિ
વાતે દેવે પવમાને બૃહસ્પતૌ ॥

ચતુર્ધેત્ય્ ઓદનઃ કલ્પમાન
ઊર્જા દેવાન્ સ્વધા પિતૄન્ ।
શરીરં મનુષ્યાન્ આશિતંભવો બ્રાહ્મણાન્
સો ઽસ્માકમ્ અસ્તુ પરમે વ્યોમન્ ॥

અયં પન્થા ઓદન દેવયાનો
અનારુદ્ધો મૃત્યુના તેન યાહિ ।
અદબ્ધઃ સ્વતો નિહિતઃ સુકૃદ્ભિર્
બ્રહ્મણા શિષ્ટઃ પ્રશિષા યમસ્ય
સો (ઽસ્માકમ્ અસ્તુ પરમે વ્યોમન્) ॥

યત્ર તે ગૃહા ઓદન તત્ પરેહિ
યત્રાપાં તદ્ ઉ ગચ્છન્ત્વ્ આપઃ ।
યત્ર યોનિમ્ ઓદનં બ્રાહ્મણા વિદુઃ
સો અસ્માકમ્ અસ્તુ પરમે વ્યોમન્ ॥

હુતં તે વાચિ હુતમ્ અસ્તુ ચક્ષુષિ
હુતં વિજ્ઞાને હુતમ્ અસ્તુ તે બલે ।
શ્રોત્રે પ્રાણે તે હુતં પ્રજામૃતત્વે તે
હુતં કામે ચ હુતમ્ અસ્તુ તે ॥

યદ્ વાગ્નેયો યદિ વાસ્યૈન્દ્રો
યદિ મારુતો યદિ વૈશ્વદેવઃ ।
યસ્ તે અગ્નિર્ નૃમણા નામ હૃદ્યસ્
તસ્મિન્ન્ એષ સુહુતો અસ્ત્વ્ ઓદનઃ
સો અસ્માકમ્ અસ્તુ પરમે વ્યોમન્ ॥

ય આવિવેશ નૃમણા મનુષ્યાઁ
અગ્નીનામ્ અગ્નિઃ પ્રથમો વયોધાઃ ।
તસ્મિન્ન્ એષઃ (…) ॥