પૈપ્પલાદ-સંહિતા · અધ્યાય 16.73

યા તે તનૂર્ અપચક્રામ મૃત્યોર્
દેવાનાં સખ્યમ્ અભિ જીવલોકમ્ ।
અપ્સુચરા ગહ્વરેષ્ઠા મહિત્વા
તસ્યામ્ એષઃ સુહુતો અસ્ત્વ્ ઓદનઃ
સો અસ્માકમ્ અસ્તુ પરમે વ્યોમન્ ॥

અહેડમાનાભ્ય્ એહિ નો ગૃહં
સંકાશં ભદ્રે સુમના અઘોરાઃ ।
પ્રતિ ત્વા વર્ષવૃદ્ધમ્ એતુ ॥

એષા નઃ સ્વધા નવગજ્ જનિત્ર્ય્
અમૃતેષ્વ્ અમૃતાહુતાભૂત્ ।
તાન્ નો ગોપાય સદમ્ અપ્રમાદમ્
આસ્માકમ્ ઐતોર્ અનુ રક્ષ જાગૃહિ ॥

યે નો નિધિમ્ અભિદાસન્ત્ય્ એતં
પ્રવાહં પ્રોઢં યમરાજ્યે ।
રાજા તેષાં વરુણ ઇન્દ્રિયાણ્ય્
અભિ તિષ્ટ્ઃઅતુ હરસા દૈવ્યેન ।
એતં સધસ્થાઃ પરિ વો દદામ્ય્
અનુખ્યાતા યજ્ઞપતિર્ યદ્ આયત્ ॥

ય આખિદન્તિ વિખિદન્તિ દત્તં
વિ ગૃહ્ણતે દક્ષિણા નીયમાનાઃ ।
તાન્ ઇન્દ્રો દેવો મઘવાઞ્ છચીપતિર્
અગ્નિમેદી પ્રદહન્ન્ એતુ શક્રઃ ।
બૃહસ્પતિર્ વરુણઃ સોમ ઇન્દ્રો
મમૈવ દત્તં કેવલં કૃણ્વન્તુ ॥