પૈપ્પલાદ-સંહિતા · અધ્યાય 16.51

યત્રા સુહાર્દઃ સુકૃતો મદન્તિ
વિહાય રોગં તન્વઃ સ્વાયાઃ ।
અશ્લોણા અઙ્ગૈર્ અહ્રુતાઃ સ્વર્ગે
અત્રા પશ્યેમ પિતરૌ ચ પુત્રાન્ ॥

વિષાણા પાશાઁ અધિ વિ ષ્યતુ ત્વદ્
ય ઉત્તમા અધમા વારુણા યે ।
યદ્ દારુણા બધ્યસે યચ્ ચ રજ્જ્વા
યદ્ ભૂમ્યાં બધ્યસે યચ્ ચ વાચા ॥

ઉદગાતાં ભગવતી
વિચૃતૌ નામ તારકે ।
પ્રેહામૃતસ્ય યચ્છતાં
પ્ર યદ્ બદ્ધકમોચનમ્ ॥

વિ જિહીષ્વ લોકં કૃણુ
બદ્ધાન્ મુઞ્ચાસિ બદ્ધકમ્ ।
યોન્યા ઇવ પ્રચ્યુતો ગર્ભઃ
પથઃ સર્વાઁ અનુ ક્ષયા ॥

તં પ્રજાનન્ પ્રતિ ગૃહ્ણાતુ વિદ્વાન્
પ્રજાપતિઃ પ્રથમજા ઋતસ્ય ।
અસ્માભિર્ દત્તં જરસઃ પરસ્તાદ્
અચ્છિન્નં તન્તુમ્ અનુ સં ચરેમ ॥

તતં તન્તુમ્ અન્વ્ એકે ચરન્તિ
યેષાં દત્તમ્ અયનં પિત્ર્યેણ ।
અબન્ધ્વ્ એકે દદતઃ પ્ર યચ્છાન્
દાતું ચેચ્ છિક્ષાન્ સ સ્વર્ગ એષામ્ ॥

અન્વારભેથામ્ અનુસંરભેથામ્
એતં લોકં શ્રદ્દધાનાઃ સચન્તે ।
યદ્ વાં પૂર્તં પ્રવિષ્ટમ્ અગ્નૌ
તસ્ય ગુપ્તયે દમ્પતી સં શ્રયેથામ્ ॥

દેવાઃ પિતરઃ પિતરો દેવા ।
યો ઽસ્મિ સો ઽસ્મિ સો ઽયમ્ અસ્મિ ॥

સ પચામિ સ યજામિ સ યજતે ઽસ્ય ।
શં મ ઇષ્ટમ્ અસ્તુ શુનં શાન્તં
શિવં કૃતં તસ્માન્ મા યવમ્ ॥

નાકે રાજન્ પ્રતિ તિષ્ઠ
તત્રૈતત્ પ્રતિ તિષ્ઠતુ ।
વિદ્ધિ પૂર્તસ્ય નો રાજન્
સ દેવ સુમના ભવ ॥