પૈપ્પલાદ-સંહિતા · અધ્યાય 16.49

યદ્ દેવા દેવહેડનં
દેવાસશ્ ચકૃમા વયમ્ ।
આદિત્યાસ્ તસ્માન્ નો યૂયમ્
ઋતસ્યર્તેન મુઞ્ચત ॥

ઋતસ્યાર્તેનાદિત્યા
યજત્રા મુઞ્ચતેહ નઃ ।
યજ્ઞં યદ્ યજ્ઞવાહસઃ
શિક્ષન્ત ઉપારિમ ॥

મેદસ્વતા યજમાનાઃ
સ્રુચાજ્યેન જુહ્વતઃ ।
અકામા વિશ્વે વો દેવાઃ
શિક્ષન્તો નોપ શેકિમ ॥

યદ્ વિદ્વાંસો યદ્ અવિદ્વાંસ
એનાંસિ ચકૃમા વયમ્ । [ભત્ત્. એનાય
તસ્માન્ ન ઇહ મુઞ્ચત
વિશ્વે દેવાઃ સજોષસઃ ॥

યદિ જાગ્રદ્ યદિ સ્વપન્ન્
એન એનસ્યો ઽકરમ્ ।
ભૂતં મા તસ્માદ્ ભવ્યં ચ
દ્રુપદાદ્ ઇવ મુઞ્ચતામ્ ॥

દ્રુપદાદ્ ઇવ મુમુચાનઃ
સ્વિન્નઃ સ્નાત્વા મલાદ્ ઇવ ।
પૂતં પવિત્રેણાજ્યં
વિશ્વાન્ મુઞ્ચન્તુ મૈનસઃ ॥

યદ્ યામં ચક્રુર્ નિખનન્તો અગ્રે
કાર્ષીવણા ન વિદો ન વિદ્યયા ।
વૈવસ્વતે રાજનિ તજ્ જુહોમ્ય્
અધા યજ્ઞિયં મધુમન્ નો અસ્તુ ॥

વૈવસ્વતઃ કૃણવદ્ ભેષજાનિ
મધુભાગો મધુના સં સૃજાતિ ।
માતુર્ યદ્ એન ઇષિતં ન આગન્
યદ્ વા પિતાપરાદ્ધો જિહીડે ॥

યદીદં માતુર્ યદિ વા પિતુર્ નો
ભ્રાતુઃ પુત્રાદ્ રેષત એન આગન્ ।
યાવન્તો અસ્યાઃ પિતરઃ સચન્તે
તેષાં સર્વેષાં શિવો અસ્તુ મન્યુઃ ॥

અપમિત્યમ્ અપ્રતીતં યદ્ અસ્મિ
યમસ્ય યેન બલિના ચરામિ ।
ઇદં તદ્ અગ્ને અનૃણો ભવામિ
જીવન્ન્ એનઃ પ્રતિ દદામિ સર્વમ્ ॥