પૈપ્પલાદ-સંહિતા · અધ્યાય 16.35

યાં કલ્પયન્તિ વહતૌ
વધૂમ્ ઇવ વિશ્વરૂપાં
હસ્તકૃતાં ચિકિત્સવઃ ।
સારાદ્ એત્વ્ અપ નુદામ એનાન્ ॥

શીર્ષણ્વતીં પયસ્વતીં
કર્ણિનીં કૃતાં કૃત્યાકૃતા
સંભૃતાં વિશ્વરૂપામ્ ।
પ્રત્યક્ પ્રતિ પ્ર હિણ્મસિ
યશ્ ચકાર તમ્ ઋચ્છતુ ॥

શૂદ્રકૃતા રાજકૃતા
સ્ત્રીકૃતા બ્રહ્મભિઃ કૃતા ।
જાયા પત્યા નુત્તેવ
કર્તારં બન્ધુમ્ ઋચ્છતુ ॥

અનયાહમ્ ઓષધ્યેત્ય્ એકા ॥

કૃત્યાઃ સન્તુ કૃત્યાકૃતે
શપથાઃ શપથીવ્ને ।
પ્રત્યક્ પ્રતિ પ્ર હિણ્મસિ
યશ્ ચકાર તમ્ ઋચ્છતુ ॥

પ્રતીચીન આઙ્ગિરસો
ઽધ્યક્ષો નઃ પુરોહિતઃ ।
પ્રતીચીઃ કૃત્યા આકૃત્ય-
-અમું કૃત્યાકૃતં જહિ ॥

યસ્ ત્વોવાચ પરેહીતિ
પ્રતિકૂલમ્ ઉદાય્યમ્ ।
તં કૃત્યે ઽભિ નિ વર્તસ્વ
માસ્માન્ ઇચ્છો અનાગસઃ ॥

યસ્ તે પરૂંષિ સંદધૌ
રથસ્યેવ વિભુર્ ધિયા ।
તં ગચ્છ તત્ર તે +ઽયનમ્
અજ્ઞાતસ્ તે ઽયં જનઃ ॥

યે ત્વા કૃત્યા આલેભિરે
વિદ્વલા અભિચારિણઃ ।
વિદ્મેદં કૃત્યાદૂષણં
પ્રતિવર્ત્મ પુનઃસરં
તેન ત્વા સ્નપયામસિ ॥

યદ્ દુર્ભગાં પ્રસ્નપિતાં
મૃતવત્સામ્ ઉપેયિમ ।
અપૈતુ સર્વં મત્ પાપં
દ્રવિણં મોપ તિષ્ઠતુ ॥