પૈપ્પલાદ-સંહિતા · અધ્યાય 16.33

યથા સોમઃ પ્રાતઃસવને
અશ્વિનોર્ ભવતિ પ્રિયઃ ।
એવા મે અશ્વિના વર્ચ
આત્મનિ ધ્રિયતામ્ ॥

યથા સોમો દ્વિતીયસવન
ઇન્દ્રાગ્ન્યોર્ ભવતિ પ્રિયઃ ।
એવા મ ઇન્દ્રાગ્ની વર્ચઃ (…) ॥

યથા સોમસ્ તૃતીયસવન
ઋભૂણાં ભવતિ પ્રિયઃ ।
એવા મ ઋભવો વર્ચ
આત્મનિ ધ્રિયતામ્ ॥

મધુ જનિષીય
મધુ મંસિષીય ।
પયસ્વાન્ અગ્ન આગમં
તં મા સં સૃજ વર્ચસા ॥

સં માગ્ને વર્ચસા સૃજ
સં પ્રજયા સમ્ આયુષા ।
વિદ્યુર્ મે અસ્ય દેવા
ઇન્દ્રો વિદ્યાત્ સહ ઋષિભિઃ ॥

યદ્ ગિરિષ્વ્ ઇતિ પાઞ્ચર્ચિકી ॥

યથા મધુ મધુકૃતઃ
સંભરન્તિ મધાવ્ અધિ ।
એવા મે અશ્વિના બલમ્
ઓજશ્ ચ ધ્રિયતામ્ ॥

યથા મક્ષા ઇદં મધુ
ન્યઞ્જન્તિ ક્ષણાવ્ અધિ ।
એવા મે અશ્વિના વર્ચસ્
તેજશ્ ચ ધ્રિયતામ્ ॥

અશ્વિના સારઘેણ મા
મધુનાઙ્ક્તં શુભસ્પતી ।
યથા વર્ચસ્વતીં વાચમ્
આ વદાનિ જનાઁ અનુ ॥

વૃષા શુષ્મં ક્ષિપસિ ભૂમ્યાં દિવો
મધોઃ કશયા પૃથિવીમ્ અનક્ષિ ।
તાં જાતાં પશવ ઉપ જીવન્તિ સર્વે
તેનો સેષમ્ ઊર્જં પિપર્તિ ॥