પૈપ્પલાદ-સંહિતા · અધ્યાય 16.19

ઇયમ્ એવ સા યા પ્રથમા વ્યૌચ્છત્
સાપ્સ્વ્ અન્તશ્ ચરતિ પ્રવિષ્ટા ।
વધૂર્ જિગાય નવગજ્ જનિત્રી
મહાન્તો અસ્યાં મહિમાનો અન્તઃ ॥

છન્દઃપક્ષે ઉષસા પેપિશાને
સમાનીં યોનિમ્ અનુ સં ચરેતે ।
સૂર્યપત્ની સં ચરતઃ પ્રજાનતી
કેતુમતી અજરે ભૂરિરેતસા ॥

ઋતસ્ય પન્થામ્ અનુ તિસ્ર આગુસ્
ત્રયો ઘર્મા અનુ રેત આગુઃ ।
પ્રજામ્ એકા જિન્વત્ય્ ઊર્જમ્ એકા
રાષ્ટ્રમ્ એકા રક્ષતિ દેવયૂનામ્ ॥

અગ્નીષ્ટોમમ્ અદધુર્ યા તુરીયાસીદ્
યજ્ઞસ્ય પક્ષામ્ ઋષયઃ કલ્પયન્તઃ ।
ગાયત્રીં ત્રિષ્ટુભં જગતીમ્ અનુષ્ટુભં
બૃહદર્કીં યજમાનાય સ્વર્ આભરન્તઃ ॥

પઞ્ચ વ્યુષ્ટીર્ અનુ પઞ્ચ દોહા
ગાં પઞ્ચનામ્નીમ્ ઋતવો ઽનુ પઞ્ચ ।
પઞ્ચ દિશઃ પઞ્ચદશેન ક્લ્̥પ્તાસ્
તા એકમૂર્ધ્નીર્ અભિ લોકમ્ એકમ્ ॥

ષડ્ જાતા ભૂતા પ્રથમજ ર્તસ્ય
ષડ્ ઉ સામાનિ ષડહં વહન્તિ ।
ષડ્યોગં સીરમ્ અનુ સામસામ
ષડ્ આહુર્ દ્યાવાપૃથિવી ષડ્ ઉર્વીઃ ॥

ષડ્ આહુઃ શીતાન્ ષડ્ ઉ માસ ઉષ્ણાન્
ઋતૂન્ નો બ્રૂત યતમો ઽતિરિક્તઃ ।
સપ્ત સુપર્ણાઃ કવયો નિ ષેદુઃ
સપ્ત છન્દાંસ્ય્ અનુ સપ્ત દીક્ષાઃ ॥

સપ્ત હોમાઃ સમિધો હ સપ્ત
મધૂનિ સપ્તર્તવો નુ સપ્ત ।
સપ્તાજ્યાનિ પરિ ભૂતમ્ આયન્
સપ્ત હોતાર ઋતુથા યજન્તિ
તાઃ સપ્તગૃધ્રા ઇતિ શુશ્રવાહમ્ ॥

અષ્ટૌ ધામાનિ પ્રથમજ ર્તસ્ય-
-અષ્ટેન્દ્રર્ત્વિજો દૈવ્યા યે ।
અષ્ટયોનિર્ અદિતિર્ અષ્ટપુત્રા
અષ્ટમીં રાત્રિમ્ અભિ હવ્યમ્ એતિ ॥

ઇત્થં શ્રેયો મન્યમાનેદમ્ આગાં
યુષ્માકં સખ્યે અહમ્ અસ્મિ શેવા ।
સમાનજન્મા ક્રતુર્ અસ્તુ વઃ શિવઃ
સ નઃ સર્વાઃ સં ચરતિ પ્રજાનન્ ॥