પૈપ્પલાદ-સંહિતા · અધ્યાય 16.151

વૈશ્વાનરઃ સં તપત્ય્ અન્તરિક્ષં
દિવં ચ સમિદ્ધો અગ્નિર્ દિવ્યસ્ તપોજાઃ ।
શિક્ષન્ત્વ્ અસ્મા અભિ સુન્વન્તિ સોમ
ઋતેન ભ્રાજન્ન્ અમૃતં વસ્તે અત્કી ॥

રારહ્યેતે નેલયતઃ
શીતરૂરે તન્વાવ્ અસ્ય ભીમે ।
રૂપાણ્ય્ એતિ બહુધા વસાનો
ગુહા કૃણ્વાનસ્ તન્વઃ પરાચીઃ ॥

પઞ્ચારે ચક્રે પરિવર્તમાને
સમારોહન્તિ ભુવનાનિ વિશ્વા ।
તસ્ય નાક્ષસ્ તપ્યતે ભૂરિભારઃ
સનાદ્ એવ ન છિદ્યતે સનાભિઃ ॥

પઞ્ચભિસ્ તપ્તસ્ તપત્ય્ એષ એતત્
સહસ્રધામાનમ્ અનુ તિષ્ઠન્ત્ય્ એનમ્ ।
સપ્ત ત્વા સૂર્ય હરિતો વહન્તિ
બ્રહ્મણાદિત્યસ્ ત્રિવૃતા મુખેન ॥

વિ દ્યોતતે દ્યોતત આ ચ દ્યોતતે
અપ્સ્વ્ અન્તર્ અમૃતો ઘર્મ ઉદ્યન્ ।
હન્તા વૃત્રસ્ય હરિતામ્ અનીકમ્
અનાધૃષ્ટાસ્ તન્વઃ સૂર્યસ્ય ॥

ઘર્મઃ પશ્ચાદ્ ઉત ઘર્મઃ પુરસ્તાદ્
અયોદંષ્ટ્રાય દ્વિષતો ઽપિ દધ્મઃ ।
વૈશ્વાનરઃ શીતરૂરે વસાનઃ
સપત્નાન્ મે દ્વિષતો હન્તુ સર્વાન્ ॥

ઋતૂન્ ઋતુભિઃ શ્રપયતિ
બ્રહ્મણૈકવીરો ઘર્મઃ
શુચાનઃ સમિધા સમિદ્ધઃ ।
બ્રહ્મા ત્વા તપતિ બ્રહ્મણા તેજસા ચ ॥

બ્રહ્મ જજ્ઞાનં પ્રથમં
સમા દદે તજ્ જાયમાનં
ન બિભિદે ન ભિદ્યતે ।
તદ્ અઙ્ગમાનં પિતરં વ્યાહતિ
તસ્ય નાડ્ય આતતા વિતતાસ્ તતા ઉ તાઃ ॥

અસયજ્જાન સત આ જભાર
ય ઈં જજાન સ ઇદ્ અસ્ય ભર્તા ।
પ્રજાપતિઃ પ્રજાભિઃ સંવિદાનસ્
ત્રીણિ જ્યોતીંષિ દધતે ન પાકઃ ॥

પ્રજાપતિશ્ ચરતિ ગર્ભે અન્તઃ
સ જાયમાનો બહુધા પ્ર જાયતે ।
તસ્ય પદમ્ અભિ પશ્યન્તિ વેધસસ્
તસ્મિન્ન્ આર્પિતા ભુવનાનિ વિશ્વા ॥