પૈપ્પલાદ-સંહિતા · અધ્યાય 16.113
તસ્માન્ ન દ્વિષન્ન્ અદ્યાન્
ન દ્વિષતો ઽન્નમ્ અદ્યાન્
ન મીમાંસિતસ્ય ન મીમાંસ્યમાનસ્ય ॥
સર્વો વા એષો જગ્ધપાપ્મા
યસ્યાન્નમ્ અશ્નન્તિ ॥
સર્વ ઉ એષો ઽજગ્ધપાપ્મા
યસ્યાન્નં નાશ્નન્તિ ॥
પ્રજાપતેર્ વા એષ વિક્રાન્તમ્ અનુવિક્રમે ય ઉપહરન્તિ ॥
પ્રજાપત્યો વા એતસ્યૈવ યજ્ઞો વિતતો ય ઉપહરતિ ॥
સર્વદા વા એષ સુતસોમો યુક્તગ્રાવાર્દ્રપવિત્ર
આહૃતયજ્ઞક્રતુર્ વિતતાધવરો ય ઉપહરતિ ॥
યો ઽતિથીનાં સ આહવનીયો
યો ઽન્નકરણઃ સ દક્ષિણાગ્નિર્
યો વેશ્મનિ સ ગાર્હપત્યઃ ॥
ઇષ્ટં ચ વા એષ પૂર્તં ચાશ્નાતિ
યઃ પૂર્વો ઽતિથેર્ અશ્નાતિ ॥
પ્રજાં ચ વા એષ પશૂંશ્ ચાશ્નાતિ
(…) ॥
ઊર્જં ચ વા એષ પયશ્ ચ ગૃહાણામ્ અશ્નાતિ
યઃ પૂર્વો ઽતિથેર્ અશ્નાતિ ॥
એષ વા અતિથિર્ યચ્ છ્રોત્રિયઃ ॥
તસ્માત્ પૂર્વો નાશ્નીયાદ્ અશિતાવત્ય્ અશ્નીયાત્ તદ્ વ્રતમ્ ॥
યજ્ઞસ્યાવિચ્છેદાય યજ્ઞસ્ય ગુપ્તયે યજ્ઞસ્ય સાત્મત્વાય ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0