પૈપ્પલાદ-સંહિતા · અધ્યાય 15.12

પ્રામૂઞ્ જયાભીમે જયન્તુ
કેતુમદ્ દુન્દુભિર્ વાવદીતુ ।
સમ્ અશ્વપર્ણાઃ પતયન્તુ નો નરો
ઽસ્માકમ્ ઇન્દ્ર રથિનો જયન્તુ ॥

ઇન્દ્રો રથાય પ્રપદં કૃણોતુ
યમ્ અધ્યષ્ઠાન્ મઘવા જયન્તામ્ ।
ઇર્ય ઇવ પશુભિર્ યુયોતુ ગોપા
અરિષ્ટો જાતઃ પ્રથમઃ સિષાસન્ ॥

પર્જન્યસ્યેવ સ્તનયિત્નુર્ આસોર્
ઇન્દ્રાગ્ન્યોર્ ઇવ ચેખિદ્યતે ઘોષો અસ્ય ।
સાહસ્રો વીરઃ શતં સસન્વાન્
અયુતં સસન્વાન્ રથ મૃડેહ ॥

શ્યેનસ્ય પક્ષૌ હરિણસ્ય બાહૂ
ઇન્દ્રસ્ય મુષ્ટિર્ મરુતામ્ અનીકમ્ ।
ગોભિઃ સંનદ્ધો અસિ વીડયસ્વ ॥

ઉદ્ યંયમીતિ સહિતેવ બાહૂ
ઉભે સિચૌ યજતે ભીમ ઋઞ્જન્ ।
ઉચ્ છુક્રમ્ અત્કમ્ અજતે શચીભિર્
નવા માતૃભ્યો વસના જહાતિ ॥

ઉગ્રૌ તે નેમી પવી ત ઉગ્રા
ઉગ્રાઃ શઙ્કવો બૃહતો રથસ્ય ।
ઈષાત્ર વેણવો નમતિસ્ ત ઉગ્રા-
-અગ્નિશ્ ચક્ષુઃ પ્રવયણં રથસ્ય ।
તેનામિત્રાન્ પ્રમૃણન્ યાહિ શત્રૂન્ ॥

અરા નાભયો બલમ્ ઇત્ તે અક્ષ
ઉગ્રૌ તે કોષૌ સહ નિસ્યદાભ્યામ્ ।
આણ્યોર્ વધ્રાન્ ઉત કોષઘોરા
સ્થાનં બન્ધ ઉત વન્ધુરં તે ॥

ગોષ્ઠે બલં મૃગ એકમ્ અઙ્ગં
પરા ક્રમધ્વં મહ આ સુવન્ત ।
અભીશવો હતાનેન વૃત્રમ્
અયં ક્ષત્રેણ પ્રજયાસ્તૂગ્રઃ ॥

આ તિષ્ઠ જિષ્ણુસ્ તરસા સપત્નાન્
સાહસ્રો વીરઃ પ્રમૃણન્ યાહિ શત્રૂન્ ।
પૃષ્ટિયુગે કૃણુતં વીર્યાણિ
તદ્ એતામ્ એતં રથમ્ અસ્ય શગ્મે ॥

અષ્ટૌ ચક્ષૂંષિ કવયઃ સં નમન્ત્વ્
અશ્વા પ્રાકાશા ઋજુ ધાવયન્તઃ ।
અનુ ત્વા સ્કમ્ભો દદતાં પિતેવ ચક્રમાણમ્
ઐનં ધત્સ્વોપસ્થે પ્ર તિરાત્ય્ આયુઃ ॥

કવિભિઃ સ્યૂતઃ સ રથે વિબદ્ધઃ
સ ધન્વધિર્ ધનુચિત્તે જજાન ।
અનુપ્રાસ્યેમાનિ પૃથુમધ્યમાન્ય્
અશ્વેભ્યઃ શંત્વાય કવિભિઃ કૃતાનિ
તેભિષ્ ટે શર્મ યચ્છન્તુ દેવાઃ ॥