પૈપ્પલાદ-સંહિતા · અધ્યાય 15.11

બૃહસ્પતિર્ નઃ પરિ પાતુ પશ્ચાદ્
ઉતોત્તરસ્માદ્ અધરાદ્ અઘાયોઃ ।
ઇન્દ્રઃ પુરસ્તાદ્ ઉત મધ્યતો નઃ
સખા સખિભ્યો વરિવઃ કૃણોતુ ॥

સુપર્ણં વસ્તે મૃગો અસ્યા દન્તો
ગોભિઃ સંનદ્ધા પતતિ પ્રસૂતા ।
યત્રા નરઃ સં ચ વિ ચ દ્રવન્તિ
તદ્ અસ્મભ્યમ્ ઇષવઃ શર્મ યચ્છાન્ ॥

સુપર્ણો વાસો યદ્ ઉ સર્પિર્ આસા
મનો હિરણ્યમ્ ઇષવઃ પતત્રી ।
માસ્માઙ્ અરન્ન્ અમુત આપતન્તીર્
ઇતઃ પ્રહિતાઃ સવિતર્ જયન્તુ ॥

અહિર્ ઇવ ભોગૈઃ પર્ય્ એતિ બાહું
જ્યાયા હેતિમ્ અપબાધમાનઃ ।
હસ્તઘ્નો વિશ્વા વયુનાનિ વિદ્વાન્
પુમાન્ પુમાંસં પરિ પાતુ મૃત્યોઃ ॥

આ જઙ્ઘન્તિ સાન્વ્ એષાં
જઘનાઁ ઉપ જિઘ્નતે ।
અશ્વાજનિ ત્ર પ્રચોદય-
-અશ્વાન્ સમત્સુ પાદય ॥

દિવસ્ પૃથિવ્યાઃ પર્ય્ ઓજ આભૃતં
વનસ્પતિભ્યઃ પરિ સંભૃતં સહઃ ।
અપામ્ ઓજ્માનં પરિ ગોભિર્ આભૃતમ્
ઇન્દ્રસ્ય વજ્રં હવિષા રથં યજ ॥

ઇન્દ્રસ્ય વજ્રો મરુતામ્ અનીકં
મિત્રસ્ય ગર્ભો વરુણસ્ય નાભિઃ ।
સેમાં નો હવ્યદાતિં જુષાણો
દેવ રથ પ્રતિ હવ્યા ગૃભાય ॥

વનસ્પતે વીડ્વઙ્ગો હિ ભૂયા
અસ્મત્સખા પ્રતરણઃ સુવીરઃ ।
ગોભિઃ સંનદ્ધો રથ વીડયસ્વ-
-આસ્થાતા તે જયતુ જેત્વાનિ ॥

ઉપ શ્વાસય પૃથિવીમ્ ઉત દ્યાં
પુરુત્રા તે મનુતાં વિષ્ઠિતં જગત્ ।
સ દુન્દુભે સજૂર્ ઇન્દ્રેણ દેવૈર્
દૂરાદ્ દવીયો અપ સેધ શત્રૂન્ ॥

આ ક્રન્દય બલમ્ ઓજો ન આ ધા
અભિ ષ્ટન દુરિતા બાધમાનઃ ।
અપ સેધ દુન્દુભે દુચ્છુનામ્ ઇત
ઇન્દ્રસ્ય મુષ્ટિર્ અસિ વીડયસ્વ ॥