પૈપ્પલાદ-સંહિતા · અધ્યાય 15.10

જીમૂતસ્યેવ ભવતિ પ્રતીકં
યદ્ વર્મી યાતિ સમદામ્ ઉપસ્થે ।
અનાવિદ્ધયા તન્વા જય ત્વં
સ ત્વા વર્મણો મહિમા પિપર્તુ ॥

ધન્વના ગા ધન્વનાજિં જયેમ
ધન્વના તીવ્રાઃ સમદો જયેમ ।
ધનુઃ શત્રોર્ અપકામં કૃણોતુ
ધન્વના સર્વાઃ પૃતના જયેમ ॥

વક્ષ્યન્તીવેદ્ આ ગનીગન્તિ કર્ણં
પ્રિયં સખાયં પરિષસ્વજાના ।
યોષેવ શિઙ્ક્તે વિતતાધિ ધન્વઞ્
જ્યા ઇયં સમિતિ પારયન્તી ॥

તે આચરન્તી સમનેવ યોષા
માતેવ પુત્રં પિપૃતામ્ ઉપસ્થે ।
અપ શત્રૂન્ વિધ્યતાં સંવિદાને
આર્ત્ની ઇમે વિસ્ફુરન્તી અમિત્રાન્ ॥

બહ્વીનાં પિતા બહુર્ અસ્ય પુત્રો
વ્યચઃ કૃણોતિ સમદો ઽવગત્ય ।
ઇષુધિઃ સઙ્કાઃ પૃતનાશ્ ચ સર્વાઃ
પૃષ્ઠે નિનદ્ધો જયતિ પ્રસૂતઃ ॥

રથે તિષ્ઠન્ નયતિ વાજિનઃ પુરો
યત્રયત્ર કામયતે સુષારથિઃ ।
અભીશૂનાં મહિમાનં પનાયત
મનઃ પશ્ચાદ્ અનુ યચ્છન્તિ રશ્મયઃ ॥

તીવ્રાન્ ઘોષાન્ કૃણ્વતાં વૃષપાણયો
ઽશ્વા રથેભિઃ સહ વાજયન્તઃ ।
અપક્રામન્તઃ પ્રપદૈર્ અમિત્રાન્
ક્ષિણન્તિ શત્રૂંર્ અનપવ્યયન્તઃ ॥

રથવાહનં હવિર્ અસ્ય નામ
યત્રાયુધં નિહિતમ્ અસ્ય વર્મ ।
તત્રા રથમ્ ઉપ શગ્મં સદેમ
વિશ્વાહા વયં સુમનસ્યમાનાઃ ॥

સ્વાદુષંસદઃ પિતરો વયોધાઃ
કૃચ્છ્રેશ્રિતઃ શક્તીવન્તો ગભીરાઃ ।
ચિત્રસેના ઇષુબલા અમૃધ્રાઃ
સતોવીરા ઉરવો વ્રાતસાહાઃ ॥

બ્રહ્મણાસઃ પિતરઃ સોમ્યાસઃ
શિવે નો દ્યાવાપૃથિવી અનેહસા ।
પૂષા નઃ પાતુ દૂરિતાદ્ ઋતાવૃધો
રક્ષા માકિર્ ણો અઘશંસ ઈશત ॥